Kua Fakatuʼutuʼu Natou Ke Faifakamafola Ki Te Hahaʼi Fuli

Ohage pe ko tona fai e Sehova mo te kau Iselaele, ʼe ina toe fakatuʼutuʼu tana hahaʼi ʼi te temi nei ke natou fai tona finegalo. ʼI te malamanei katoa, ʼe gaue fakatahi te ʼu filiale, mo te ʼu siliko, mo te ʼu kokelekasio pea mo te ʼu kutuga faifakamafola moʼo tala te logo lelei. ʼE tou faifakamafola ki te hahaʼi fuli pe, ʼo kau ai mo natou ʼae ʼe mole palalau ʼi tatatou lea.—Fkh 14:6, 7.

Neʼe kua ke fakakaukauʼi koa ke ke ako he tahi age lea moʼo tokoni ki he tahi ke ina iloʼi te moʼoni? Kapau ʼe mole ke maʼu hau temi ke ke ako ai he tahi age lea, ʼe feala pe ke ke ako fakaʼatamai he ʼuluaki faipalalau ʼe ke maʼu ʼi te JW Language. Pea ke ʼahiʼahi fai ʼi tau faifakamafola. ʼE ke fiafia ai anai ohage ko te ʼu ʼuluaki Kilisitiano. Neʼe natou palalau ki te hahaʼi matapule ʼo ʼuhiga mo “te ʼu gaue taulekaleka ʼa te ʼAtua” ʼi ʼanatou lea. Pea neʼe natou sisio ai ki te punamaʼuli ʼa te hahaʼi.—Gau 2:7-11.

VAKAʼI TE ʼATA VITEO KE KE KAUMEʼA MO SEHOVA—FAIFAKAMAFOLA ʼI HE TAHI AGE LEA, PEA MO TALI KI TE ʼU FEHUʼI ʼAENI:

• 

  Ko te temi fea ʼe ʼaoga ai kia koe te JW Language?

• 

  Kotea te ʼu meʼa ʼe tou maʼu ai?

• 

  Kotea te ʼu lea ʼe palalauʼi e te hahaʼi ʼi tou telituale?

• Kotea ʼae ʼe tonu ke ke fai moka ʼe ʼi ai he tahi ʼe fia logo ki te logo lelei kae ʼe mole palalau ʼi tau lea?—od 94-95 ¶39-41