ʼE Fakafeagai Te Aga Fakapalatahi Ki Te Ako ʼAe Mai Te ʼAtua

ʼE mole fakapalatahi ia Sehova. (Gau 10:34, 35) ʼE ina tali te hahaʼi ʼae ʼe ʼomai mai “te ʼu puleʼaga fuli, mo te ʼu telepi fuli, mo te ʼu lanu fuli pea mo te ʼu lea fuli.” (Fkh 7:9) Koia ʼae ʼe mole maʼu ai ʼi te kokelekasio te aga fakapalatahi. (Skp 2:1-4) ʼE tou lotofakafetaʼi ki te ako ʼae ʼe haʼu mai te ʼAtua, koteʼuhi ʼe tou fiafia ʼi te kau ki he palatiso fakalaumalie ʼe fetogi ai e te tagata tona ʼuluaagaaga. (Esa 11:6-9) Kapau ʼe tou faiga ke tou taʼaki ʼi ʼotatou loto te ʼu manatu fakapalatahi pea ʼe tou faʼifaʼitakiʼi ai te ʼAtua.—Efe 5:1, 2.

VAKAʼI TE ʼATA VITEO KO JOHNY MO GIDEON: NEʼE NĀ FEFEHIʼAʼAKI KI MUʼA ATU KAʼE KUA NĀ TAU TEHINA ʼI TE TEMI NEI. PEA TALI KI TE ʼU FEHUʼI ʼAENI:

• He koʼe ʼe maʼoluga age te ako ʼae ʼe haʼu mai te ʼAtua ʼi te ʼu faiga ʼa te tagata ke ina pulihi te agamalohi mo te agafakapalatahi?

• Kotea takotou manatu ʼo ʼuhiga mo totatou famili fale tau tehina ʼi te malamanei katoa?

• ʼE feafeaʼi hatatou fakakololiaʼi ia Sehova?