Ke Lelei Age Tatatou Faifakamafola​—Toe Liliu ʼo ʼAʼahi Ia Ia

HE KOʼE ʼE MAʼUHIGA? Tokolahi ʼe natou fia logo ki te logo lelei ʼo te Puleʼaga. Pea ʼe natou fia kumi te moʼoni ʼo ʼuhiga mo te ʼAtua. (Esa 55:6) Pea ke feala hanatou tuputupu ʼi te faʼahi fakalaumalie, ʼe tonu ke tou toe liliu liuliuga ʼo ʼaʼahi natou. ʼE tau te hahaʼi mo he ʼu faigataʼaʼia kehekehe. Koia ʼe tou fetofetogi anai ʼatatou ʼuluaki palalau ke tupu ai hanatou fia logo ki te moʼoni. Kae, ʼe fua lelei anai tatatou gaue mo kapau ʼe tou teuteuʼi lelei pea mo tou fakatuʼutuʼu moka tou olo ʼo fai te ʼaʼahi ke tou kamata he ako Tohi-Tapu.

TE ʼU MEʼA ʼAE ʼE TONU KE KE FAI:

• Faigaʼi ke ke toe liliu fakavilivili ʼo fai te ʼaʼahi ʼi te ʼu ʼaho pe ʼae ʼe hoa mai.—Mat 13:19

• Ke ke aga fakakaumeʼa pea mo fakaʼapaʼapa.

• Kamata ʼaki he fakamalo mo toʼo age tona higoa. Fakamanatuʼi age te tupuʼaga ʼo tau toe liliu mai ʼo ʼaʼahi ia ia. ʼE lagi ko he tali ki he fehuʼi, peʼe ko te tuku age ʼo he nusipepa foʼou, peʼe ko te fakaha age ʼo totatou tuʼasila ʼi te Neti, peʼe ko he ʼata viteo, peʼe ko te fakaha age ʼo te faʼahiga fai ʼo he ako Tohi-Tapu. Mo kapau ʼe fia palalau ki he tahi age faʼahi pea ke faipalalau ki ai.—Flp 2:4

• Ohage pe ko he fakavai ʼo he pulapula neʼe to, ʼe feala ke homo te pulapula ʼo te moʼoni ʼi tona loto, ʼaki te vaevae ʼo he manatu fakatohi-tapu peʼe ʼaki hau tuku age he tohi. (1Ko 3:6) Faigaʼi ke hoko atu pe takolua faipalalau

• Lagaʼi he fehuʼi ke ke toe liliu ʼo ʼaʼahi ia ia