Kotea Te ʼOfa Moʼoni?

Neʼe fakatuʼutuʼu e Sehova ke tologa te ʼohoana ʼa he tagata mo he fafine. (Sen 2:22-24) Kae ʼe feala pe ke mavete he taumatuʼa mo kapau ʼe hoko he ʼu felaveʼi fakasino heʼe ʼaoga. (Mal 2:16; Mat 19:9) Neʼe foaki e Sehova he ʼu pelesepeto ke tokoni ki te kau Kilisitiano ke natou filifili fakapotopoto ʼonatou ʼohoana pea mo taupau he maʼuli fakataumatuʼa ʼe fiafia. Koteʼuhi ʼe loto ke fiafia te maʼuli fakataumatuʼa.—Eke 5:4-6.

VAKAʼI TE ʼATA VITEO KOTEA TE ʼOFA MOʼONI? PEA MO TALI KI TE ʼU FEHUʼI ʼAENI:

• 

  Kotea te fakatonutonu fakapotopoto mo ʼofa neʼe fai e Frank mo Bonnie ki tanā taʼahine ko Liz?

• He koʼe ʼe mole ko he manatu fakapotopoto te ui ʼae ʼe feala pe ke ke fetogi ia ia ʼae ʼe ke fakatahi mo ia?

• Kotea te tokoni fakapotopoto neʼe foaki e Paul pea mo Priscilla kia Liz?

• 

  Kotea te ʼu fihifihia neʼe hoko ʼi te maʼuli fakataumatuʼa ʼo Zach mo Megan?

• 

  Kotea te ʼu fakatuʼutuʼu fakalaumalie neʼe fai fakatahi e John mo Liz?

• He koʼe ʼe tonu ke ke iloʼi “te ʼu meʼa ʼae ʼi te loto” ʼo ia ʼae ʼe koulua fakatahi ʼi muʼa ʼo te ʼohoana? (1Pe 3:4)

• Kotea te ʼofa moʼoni? (1Ko 13:4-8)