Te ʼu Gaue Lelei ʼAe ʼe Mole Feala Ke Galoʼi

Ko tatou fuli ko te ʼu kaugana ʼa Sehova ʼe tou fai ni gaue maʼa Sehova ʼe mole feala ke ina galoʼi. Ohage ko he tamai peʼe ko he faʼe ʼe mole nā galoʼi te ʼu gaue lelei ʼae neʼe fai e te ʼu fanau, ʼo toe feia pe, ʼe mole galoʼi e te ʼAtua te ʼu gaue ʼae neʼe tou fai maʼa ia, pea mo te ʼofa ʼae neʼe tou fakaha ki tona huafa. (Mat 6:20; Hep 6:10) ʼE moʼoni, ʼe tahi alu pe mo tona faiva mo tona faʼahiga maʼuli. Kae kapau ʼe tou faiga malohi ʼi tatatou gaue ʼae kia Sehova pea ʼe tou fiafia anai. (Kal 6:4; Kol 3:23) Lolotoga ni taʼu, ko te toko lauʼi afe tehina mo tuagaʼane neʼe natou gaue ʼi te Petele. ʼE feala koa ke ke gaue ʼi te Petele? Kapau ʼe mole feala, kae lagi lelei ke ke fakalotomalohiʼi he tahi age ke gaue ai, peʼe ke tokoni ki he Petelite ke ina hoko atu tana selevisi.

VAKAʼI TE ʼATA VITEO ʼE FEALA KOA KE KE GAUE ʼI TE PETELE? PEA MO TALI KI TE ʼU FEHUʼI ʼAENI:

• Kotea ʼae ʼe ina uga tatou ke tou gaue ʼi te Petele?

• Kotea te ʼu tapuakina ʼi te gaue ʼi te Petele?

• Kotea te ʼu fakamaʼua ki te gaue ʼae ʼi te Petele?

• Kotea ʼae ʼe tonu ke ke fai ke feala ai hau gaue ʼi te Petele?