“Neʼe Ko Te Lea Pe ʼe Tahi ʼi Te Kele Katoa”

11:1-4, 6-9

ʼI Papele, neʼe fakamavetevete e Sehova te ʼu hahaʼi talagataʼa ʼaki tana veuki tanatou lea ke mole natou femahinoʼaki. Kae ʼi te temi nei, ʼe ina fakatahitahiʼi te toe hahaʼi tokolahi mai te ʼu puleʼaga mo lea fuli, ʼo foaki kia natou he lea ʼe maʼa, ʼonatou fetapa ai ki te huafa ʼo Sehova pea mo tauhi fakatahi kia te ia. (Sof 3:9; Fkh 7:9) Ko te lea maʼa ʼaia ʼe ko te moʼoni ʼo ʼuhiga mo Sehova pea mo ʼana fakatuʼutuʼu ʼae ʼi te Tohi-Tapu.

Ka tou ako he lea foʼou, ʼe mole gata ʼaki pe te taupau maʼu ʼo te ʼu kupu foʼou. Kae ʼe toe maʼua foki ke tou ako he tahi age faʼahiga fakakaukau foʼou. ʼO toe feia pe mo te lea maʼa ʼo te moʼoni, ʼe ina fetogi tatatou ʼu fakakaukau. (Lom 12:2) Ko he aluʼaga ʼe tonu ke fakahoko tuʼumaʼu, he ʼe iku ai ki te logo tahi ʼo te hahaʼi ʼa te ʼAtua.—1Ko 1:10.