ʼE Fua Lelei Koa Kia Koutou Te Vaega Tohi-Tapu ʼo Te ʼAho?

ʼE ko hakotou agamahani koa te lau ʼo te koga Tohi-Tapu ʼo te ʼaho? (Tou Vakaʼi Ia Te Tohi-Tapu ʼi Te ʼAho Fuli) Kapau ʼe mole ko ia, kotou faiga ke kotou fakahoko te faʼahi ʼaia. Ko te tokolahi ʼe natou leleiʼia tona lau ʼi te uhu, he ʼe feala ke natou metitasio ki ai lolotoga te ʼaho katoa. (Sos 1:8; Pes 119:97) ʼE feafeaʼi hakotou fakaloloto te vaega Tohi-Tapu ʼo te ʼaho? Lau muʼa te fakamatala ʼo ʼuhiga mo te vaega ke kotou mahino ki te aluʼaga. Kotou fakamanamanatu he hisitolia Fakatohi-tapu ʼe alu tahi mo te pelesepeto ʼo te vaega, pea kotou maʼuliʼi. Ka kotou fakatafito ʼakotou tonu ki te Tohi-Tapu, ʼe ina taki anai tokotou maʼuli pea ʼe kotou fiafia ai anai.—Pes 119:105.

ʼI te ʼu Petele ʼo te malamanei katoa, ʼe vakavakaʼi ai te vaega Tohi-Tapu ʼi te uhu fuli. Heʼeki faʼa fualoa ia te kua maʼu ʼo te ʼu akonaki ʼaia ʼi te Televisio JW^®, FAKATAHI MO AKONAKI. Ko ʼanafea koa ʼae neʼe kotou sioʼi ai? Lagi neʼe ko he akonaki neʼe ʼaoga kia koutou. Ohage la, ko te ako fea ʼe kotou taʼofi mai te hisitolia ʼo Lote moka kotou toʼo ni tonu?

VAKAʼI TE ʼATA VITEO ʼAUA NAʼA KOTOU MANAKO KI TE MALAMANEI (1SO 2:15), PEA TALI KI TE ʼU FEHUʼI ʼAENI:

• Ko te pelesepeto fea ʼe fakatafito ki ai te akonaki?

• ʼE ha feafeaʼi ʼi te hisitolia ʼo Lote ko te manako ʼae ki te malamanei ʼe fakatupu tuʼutamaki?—Sen 13:12; 14:12; 19:3, 12, 13, 24-26

• ʼE tou fakaha feafeaʼi ʼe tou ʼoʼofa ia Sehova kae mole ki te malamanei?