Kotou Olo Ki Ni Koga Meʼa ʼe ʼAoga Ai He Kau Faifakamafola

ʼE maʼuhiga te tui ke feala hatatou mavae mai te koga meʼa ʼae ʼe tou maʼuli ai, mo olo ki he koga meʼa ʼo tokoni ai ki te faifakamafola. (Hep 11:8-10) Kapau ʼe kotou fia olo ʼo maʼuli ʼi he koga meʼa ʼe ʼaoga ai he kau faifakamafola, kotou fakaha ki te kau tagata ʼafeā. Kotea la ʼe tonu ke tou fai ke tou vakavakaʼi ai pe feala ke tou fakahoko ia te fakatuʼutuʼu ʼaia? Kotou vakaʼi pe kotea ʼae ʼe ui ʼi ʼatatou ʼu tohi ʼo ʼuhiga mo te koga ʼaia. Kotou faipalalau pea mo natou ʼae neʼe mavae mai ʼonatou kokelekasio ʼo olo ʼo tokoni ki he tahi age kokelekasio. (Taa 15:22) Kotou faikole kia Sehova mo kumi tana takitaki. (Skp 1:5) Kotou fai ni fekumi ʼo ʼuhiga mo te koga meʼa ʼae ʼe kotou fia olo ki ai. Pea kapau ʼe feala, ʼi muʼa ʼo takotou toʼo te tonu, kotou olo ki te koga meʼa ʼaia lolotoga ni ʼaho.

SIOʼI TE ʼATA KE LAHI AGE ʼAKOTOU GAUE ʼI TE TUI: KOTOU OLO KI NI KOGA MEʼA ʼE ʼAOGA AI HE KAU FAIFAKAMAFOLA, PEA MO TALI KI TE ʼU FEHUʼI ʼAENI:

• Kotea la te ʼu faigataʼaʼia neʼe tau mo Gabriel? Pea kotea neʼe tokoni ki ai?