Taupau Maʼu Tau Polokalama Lau ʼo Te Tohi-Tapu ʼi Te ʼAho Fuli

ʼE lahi ʼaupito te ʼu gaue ʼe tou fai ʼi te ʼaho fuli, koia ʼe faigataʼa koa ʼihi temi hau lau te Tohi-Tapu ʼi te ʼaho fuli? (Sos. 1:8) Kapau koia, ʼahiʼahi fai te ʼu tokoni ʼaeni:

• Fai he meʼe ke ke manatuʼi. Fakatatagi ʼi tau kiʼi masini he meʼa ke ke manatuʼi ai tau lau te Tohi-Tapu.

• Tuku tau Tohi-Tapu ʼi he faʼahi ʼe ke sio tuʼumaʼu ki ai. Kapau ʼe ke lau ʼi te Tohi-Tapu pepa, ke ke tuku ʼi he faʼahi ʼe ke sio ki ai ʼi te ʼaho fuli.​—Tet. 11:18.

• Fakalogo ki te ʼu koga Tohi-Tapu ʼae neʼe puke. Fakalogo ʼi te temi ʼae ʼe ke fai ai ʼau gaue. Ko Tara, ʼe pionie pea ko te faʼe ʼo he famili pea ʼe gaue poʼuli. ʼE ina ui fenei: “Ka au fakalogo te Tohi-Tapu kae ʼe au fai te ʼu gaue ʼo te loto fale, ʼe tokoni mai ke au lau te Tohi-Tapu ʼi te ʼaho fuli.”

• Hoko atu ʼau faiga. Kapau ʼe hoko he ʼu aluʼaga fakafokifa, ʼo mole hoko ai tau fakatuʼutuʼu ʼae ke ke lau te Tohi-Tapu, faiga pe ke ke lau he ʼu vaega ʼi muʼa ʼo tau moe. Maʼia pe ʼe mole lahi te ʼu vaega ʼe ke lau ʼi te ʼaho fuli, kae ʼe fua lelei pe anai kia koe.​—1 Pet. 2:2.