Te ʼu ʼUluaki Palalau ʼAē ʼe Nātou Fakakeheʼi
1 E koutou fakaʼaogaʼi koa he ʼu ʼuluaki palalau ʼe tuʼu ʼi te tohi Comment raisonner pe ʼe ko te ʼu numelo fakamuli ʼo te Minisitelio ʼo te Puleʼaga? Tokalahi te kau faka mafola ʼe nātou ʼiloʼi ko te muliʼi ʼo te ʼu manatu ʼe tuʼu ʼi ai ʼe toe kehe age ai te lelei ʼo tonatou minisitelio ʼi te ʼu ʼapi. ʼE ʼiloʼi ʼe ʼihi kapau ʼe nātou faigaʼi ke lahi he kiʼi temi ʼe nātou teuteu ai, ʼe feala anai tanatou palalau ʼo fakaʼaogaʼi tanatou ʼu faʼahiga palalau ʼo mulimuli pe ki te ʼu ʼuluaki palalau ʼaē ʼi te ʼu tohi.
2 Koʼenī te meʼa ʼe ʼaoga: Kapau ʼe mālama lelei ʼi takotou atamai te ʼu ʼuluaki palalau ʼi muʼa ʼo takotou fakahā te logo ʼo te Puleʼaga ki he tahi, ʼe tokalelei anai meʼa fuli kia koutou pea ʼe ia koutou te falala. ʼE hā anai ʼi takotou ʼu palalau takotou faiga fakamalotoloto ki te fakahā ʼo te logo lelei. Kapau ʼe koutou teuteu lelei, ʼe koutou maʼu anai te fiafia lahi ʼi te minisitelio, heʼe koutou maʼu ai tona ʼu fua lelei. ʼE maʼuhiga ia ko tatatou gāue ʼe ko he sakilifisio tāfito ia ʼo maʼoluga age. — Hep. 13:15; 1 Petelo 2:5.
3 Koia, koutou faigaʼi he temi ke koutou teuteuʼi ai te fahaʼi ʼaia. Koutou manatuʼi te ʼu hahaʼi ka felāveʼi anai mo koutou ʼi tokotou telituale. Koteā koa tanatou ʼu tuʼania pea koteā ʼaē ʼe nātou loto kia ai? Koteā koa te ʼu logo ʼo te mālama ʼe malave kia nātou? ʼI te ʼosi fakakaukauʼi ʼo te ʼu fehuʼi ʼaia, koutou vakaʼi te ʼu ʼuluaki palalau ʼe tuʼu ʼi te ʼu pasina 9 ki te 15 ʼi te tohi Comment raisonner pe ʼe koutou taʼofi he ʼuluaki palalau ʼe tahi pe ʼe lahi ʼi Te Minisitelio ʼo te Puleʼaga. ʼAua naʼa koutou lotolotolua ʼo fetogi te fahaʼi ʼaia ke feala ai he tokalelei ʼo takotou ʼu palalau mokā koutou fakaʼaogaʼi te ʼu fahaʼi ʼaia. ʼOsi ʼaia, ʼe feala ke koutou kole age ki niʼihi kau faka mafola ke nātou fai te ʼu faʼifaʼitaki ʼaia mo koutou. ʼE feala ke uga ai mo nātou ke nātou faigaʼi ke lelei tanatou ʼu ʼuluaki palalau. ʼAki te fahaʼi ʼaia, ʼe koutou fetokoniʼaki anai pea mo koutou feʼekenaki ki te fai ʼo te ʼu gāue ʼe lelei.
4 Ko te temi pea mo te ʼu faiga ʼe koutou fai ki te teuteuʼi ʼo takotou ʼu fakahā ʼe fakapale anai. ʼE tapuakina anai koutou mo lelei takotou gāue ʼi te tānaki fakatahi ʼe hoko ʼi te temi nei.