Les jeunes sʼinterrogent... Que vais-je faire de ma vie ? (ʼUluaki Koga)

ʼI te lahilahi ake ʼa te kau tūpulaga, ʼe tonu ke natou fai he ʼu tonu ʼe maʼuhiga. Koia ʼaē neʼe teuteuʼi ai te foʼi ʼata DVD Les jeunes sʼinterrogent... Que vais-je faire de ma vie ? moʼo tokoni kiā nātou. ʼI te menu principal kotou lomiʼi Drame, pea kotou vakaʼi pe feala hakotou tali ki te ʼu fehuʼi ʼo te palakalafe 2. ʼOsi ʼaia, ʼi te menu principal kotou lomiʼi Interviews, hili ʼaia pea kotou lomiʼi leva Souvenirs, pea kotou faigaʼi leva ke kotou tali ki te ʼu fehuʼi ʼo te palakalafe 3.

Drame (Te Hisitolia): (1) Ko te ʼu ʼaluʼaga fea ʼaē ʼe tatau ai ia Timoteo mo te kau tūpulaga Kilisitiano ʼo te temi ʼaenī? (2) Neʼe fakaneke feafeaʼi ia André ke liliu ʼo faiva ʼi te faigaoʼi? (3) Koteā ʼaē neʼe ʼui age e te tehina ko Fleissig kiā André ʼo ʼuhiga mo (3.1) te foaki ʼo tokita maʼuli kiā Sehova pea mo te faigaoʼi? (Mat. 6:24) (3.2) te matapuna ʼo te fiafia moʼoni? (3.3) te meʼa ʼaē ʼe ina manatuʼi ʼaki tana kiʼi ʼipu mai te lotoʼā fakamamahi? (3.4) mo te hahaʼi ʼaē ʼe tuʼu fakatahi mo ia mo tona ʼohoana ʼi te pāki? (3.5) ia pe neʼe fakahemala koa ʼi tana fetogi ʼana fakatuʼutuʼu? (Filp. 3:8) (4) Koteā te tali ʼa te kui ʼa André ki tana fehuʼi ʼaē “ ʼE kovi koa takita loto ʼaē ke kita liliu ʼo logona ʼi te lele?” (Luka 4:5-7) (5) Neʼe maʼu koa e André he fiafia moʼoni ʼi tana mālo ʼi te lele? (6) Koteā ʼaē neʼe kotou leleiʼia ʼi te tohi fakaʼosi ʼaē neʼe fai e te tehina ko Fleissig kiā André? (Taag. 10:22) (7) Ko te faʼahi fea ʼaē neʼe tokoni ai ia te tehina ko Fleissig kiā André ke mahino kiai?

Souvenirs (ʼE Nā Manatuʼi): (8) Koteā te faigaoʼi pea mo te gāue ʼaē neʼe kumi e te tehina pea mo te tuagaʼane ke nā fai, pea koteā tona tupuʼaga? (9) Neʼe feafeaʼi tanā liliu ʼo ʼiloa? (10) Koteā te fetogi maʼuhiga neʼe hoko ʼi tonā maʼuli? (2 Ko. 5:15) (11) Ko te ʼu gāue fakateokalatike fea ʼaē neʼe ina fetogi te ʼu meʼa ʼaē neʼe nā fia fai ʼi muʼa atu, pea he koʼē neʼe nā manatu neʼe mole kei feala hanā mulimuli ki te ʼu meʼa ʼaē neʼe nā loto kiai ʼi muʼa atu? (12) Neʼe nā fakahemala koa ʼi tanā fetogi ʼanā fakatuʼutuʼu ʼi tonā maʼuli? (13) ʼI ʼanā palalau, koteā ʼaē neʼe tokoni tāfito atu ke kotou fakakaukauʼi pe feafeaʼi hakotou fakaʼaogaʼi tokotou maʼuli?

Kotou vakaʼi te tahi ʼu interviews mo te tahi ʼu suppléments, pea mo kotou teuteuʼi he ʼu tali kiai mokā vakaʼi ʼi te Fono Gaue ʼo te vāhaʼa kā hoa mai.