Ke Lelei Age Tatatou Minisitelio: Ke Ke Teuteuʼi Lelei Tau Toe Liliu ʼo Fai Ia Te ʼAʼahi

He Ko ʼe ʼe Maʼuhiga? Ka ke maʼu ia he tahi neʼe fia logo, ʼe ke toe fia liliu ʼo ʼaʼahi ia ia. (1 Ko. 3:6) Koia ʼe lelei age ʼi muʼa ʼo tau mavae mai ʼio ia, ke ke teuteuʼi lelei tau toe liliu ʼo fai ia te ʼaʼahi. Ke ke fai age he fehuʼi ʼe ke liliu mai anai ʼo tali ki ai. ʼE feala ai kia ia ke ina fakakaukauʼi te faʼahi ʼaia. Pea kapau ko te tali ki te fehuʼi ʼaia ʼe tuʼu ʼi te tohi ʼae neʼe ke tuku age, ʼe lagi ʼe ina fia lau anai. Kaʼe ʼe feala hau filifili he manatu ʼe fia palalau anai ki ai, ke feala hana iloʼi pe ʼe kotea ʼae ka ke palalau ki ai. Koia ka ke toe liliu ʼo ʼaʼahi ia ia, ʼe feala ke ke ui age neʼe ke haʼu ʼo tali ki te fehuʼi.

Te ʼu Meʼa ʼAe ʼe Tonu Ke Ke Fai:

Ka ke teuteuʼi tau alu ʼo faifakamafola, teuteuʼi ia he fehuʼi ʼe ke fai anai ki he tahi ʼe feala ai ia tau toe alu ʼo ʼaʼahi. ʼE feala tau lagaʼi he fehuʼi ʼe talanoa ki ai he alatike ʼi te ʼu tohi ʼae ʼe tou tufa peʼe ʼi ʼatatou tohi ako. Pea ʼe feala tau faipalalau mo ia ki te tali ki te fehuʼi ʼaia ʼi tau toe liliu age ʼo ʼaʼahi ia ia.
Ka ʼosi ia takolua faipalalau, ui age ki ai ʼe ke toe fia haʼu ʼo hoko atu te faipalalau. Fai age te fehuʼi ʼae neʼe ke teuteuʼi. ʼI ʼihi telituale ko te hahaʼi ʼe natou maʼumaʼua, koia ʼae ʼe mole natou loto ai ke toe ʼaʼahi ia natou. Kapau ʼe hoko te faʼahi ʼaia, ʼe feala ke ke ui fenei age: “ʼE ko te hola la ʼae ʼe feala ke au maʼu mai ai ia koe? [Tuku ke fai mai hana tali.] ʼI te vahaʼa ʼaeni ka haʼu, ʼe au fia haʼu ʼo faipalalau mo koe pea mo tali ki te fehuʼi ʼaeni . . . Kapau ʼe au haʼu ʼe ke maʼua ʼe feala pe tau ui mai.”
Kapau neʼe ke fakatuʼutuʼu mo he tahi ke ke toe liliu ki ai pea ʼe tonu ke ke fakahoko te faʼahi ʼaia. (Mat. 5:37) ʼI te ʼosi ʼo tau fai te ʼaʼahi, teuteuʼi lelei tau toe liliu ʼo ʼaʼahi ia ia.

ʼAhiʼahi Fai Te Faʼahi ʼAeni Lolotoga Te Mahina:

Ka ke teuteuʼi tau faifakamafola pea ke teuteuʼi he fehuʼi ka ke tali anai ki ai ʼi tau toe alu ʼo fai te ʼaʼahi. Ke ke vaevae fakatahi mo ʼihi kau faifakamafola ia te ʼu faʼahi ʼae neʼe ke teuteuʼi.