He Faʼifaʼitaki ʼo He ʼu ʼUluaki Palalau

Te ʼu Logo ʼo Te Puleʼaga N° 38

“ ʼE au kau ki te tufa ʼe fai ʼi te malamanei katoa ʼo te pepa lotu ʼaeni ʼe maʼu ai te logo maʼuhiga. Koʼeni tau pepa lotu.”

Nota: ke feala hakotou fai te telituale ke ʼosi, kotou fakanounou ʼakotou palalau. Kaʼe ʼi ʼihi temi, ʼe lagi fia logo anai he tahi pea mo fia faipalalau. Kapau koia, ʼe feala ke kotou fakalavelave age tana manatu ʼo ʼuhiga mo te fehuʼi ʼae ʼe tuʼu ʼi te muʼa pepa lotu, mo kotou lau age te tali ʼa te Tohi-Tapu ʼae ʼe tuʼu ʼi te loto pepa lotu. Pea kapau ʼe feala, kotou vakaʼi he ʼu manatu ʼe tuʼu ʼi loto. ʼI muʼa ʼo takotou mavae, kotou fakaha age te fehuʼi ʼae ʼi te tuʼa pepa lotu ke fakakaukau ki ai, pea kotou fakatuʼutuʼu ke kotou toe liliu age ʼo faipalalau ki ai.

Ko Te Tule Leʼo Oketopeli –Tesepeli

“Neʼe kua ke feʼekeʼaki koa la, kapau ʼe tokaga moʼoni te ʼAtua ki te hahaʼi, pea he ko ʼe koa ʼe ina tuku ke natou mamahi? [Tuku ke fai mai hana tali pea lau age ia Ekesote 3:⁠7.]” Fakaha age te faʼifaʼitaki ʼo he faipalalau ʼa he foʼi tokolua ʼe tuʼu ʼi te pasina 14.

Réveillez-vous! Novepeli

“ ʼE ma ʼaʼahi koe koteʼuhi kua tuʼania e te hahaʼi tokolahi ki te kua meʼa noaʼi ʼo te aga ʼae ʼe tonu ke fai. ʼI tau manatu la, ʼe kei fai koa e te hahaʼi te ʼu aga ʼae ʼe tuha mo te maʼuli? [Tuku ke fai mai hana tali.] Neʼe fakakikite ʼi te Tohi-Tapu ʼe fetogi anai te aga ʼa te hahaʼi. [Lau ia 2 Timoteo 3:​1-5.] ʼE fakaha ʼi te nusipepa ʼaeni pe ko ʼe ʼe feala ke tou falala ki te ʼu lekula ʼae ʼi te Tohi-Tapu ʼo ʼuhiga mo te aga ʼae ʼe tonu ke tou fai.”