He Faʼifaʼitaki ʼo He ʼu ʼUluaki Palalau

Ko Te Tule Leʼo Apelili – Sunio

“Ko te toko lauʼi miliona hahaʼi ʼi te malamanei katoa ʼe natou iloʼi ia te faikole ʼae ʼe fakahigoaʼi e te tokolahi ko te Tamatou Tamai ʼe ʼi Selo peʼe ko te Faikole ʼa Te ʼAliki. Neʼe akoʼi fenei e Sesu kia natou ʼae neʼe fakalogo age: “ ʼE tonu ke kotou faikole fenei: Tamatou Tamai ae e nofo i te atu lagi! Ke tapuha tou huafa; ke aumai tau pule.” Neʼe kua kotou feʼekeʼaki koa pe kotea ʼae ka fakahoko anai e te Puleʼaga ʼo te ʼAtua? [Tuku ke fai mai hana tali pea mo lau ia te palakalafe 3 ʼo te pasina 16 pea lau ia Pesalemo 72:8, 12-14.]”

Réveillez-vous! Sunio

“Tokolahi ʼo ʼotatou vahaʼa fale ʼe natou tauʼi he mahaki, koia ʼe matou ʼaʼahi ai te hahaʼi moʼo vaevae ia te vaega fakalotomalohi ʼaeni. [Lau ia Esaia 33:24.] ʼI tau manatu la, ʼe feafeaʼi anai totatou maʼuli mo kapau ʼe mole tou mahaki ʼi he temi? [Tuku ke fai mai hana tali.] ʼI tatatou fakatalitali ki te fakahoko ʼo te lea fakapolofeta ʼaia, ʼe ʼi ai te ʼu manatu ʼe nima ʼe feala ke tou fai ke lelei age totatou maʼuli malolō fakasino. Koia ʼae ka fakamahino ʼi te nusipepa ʼaeni.”