Woy-Yàlla 98 (220)

Suñu àjjana: tey ak ëllëg

(2 Korent 12:4)

1. Yeowa Yàlla, ñu-ng’ lay màggal

Ngir suñu àjjanay tey.

Li ñu fay jàng, ñaan ak’ daje

Daf’ ñuy yokk sagook teey.

Waaw, nañu gërëm Yaa

Ndax barkeem yu réy;

Wax dëgg, ci njaamoom

Am nañu mbég tey!

Bëgg la, yaw Yaa, ak suñ’ moroom

Mooy buum gi gën a dëgër.

Moo tax ñu déggoo ci sa njaamu,

Taxaw ba fàw’ ci sa kër.

2. Yeesu Krist Buur bi, moom nga dénk

Lép’ lu jëm ci sa njubte.

Ba mu falook tey, ci sa ndeyjoor,

Lép’ lay ilif tey àtte.

Yeowa, ñu-ng’ lay woy,

Ndax yaa ñu xamal

Sa nas bu kéemaane:

Indi sa coggal.

Yal na suñ’ demin dëppoo dëgg

Ak xabaar bi ñuy waare;

Buñu fakkatal ñi mel ni xar,

Ñii ñuy jàngal, ni-m’ ware!

3. Gannaaw xare bi, Ar-Mageddon,

Bu Yàlla xeexee Ibliis,

Kookaak njabootam, dinañ’ tàbbal

Ci kàmb ndax dañ’ dërkiis.

Ci la say jaam yi dee,

Ci sëg yiy jóge

Ngir jaamu laak bànneex.

Céy, ni ñuy bége!

Dinañ’ dimbali ñép’, ba ñu mat,

Yeesu di ñu saraxal.

Keroog ci kow suuf, ba abadan,

Mbég dëgg nga fiy amal.