Ucwangciso Lwentlanganiso Yenkonzo
Iveki Eqala NgoSeptemba 10
10 imiz: Izaziso zasekuhlaleni. IZaziso Ezikhethiweyo kuBulungiseleli Bethu BoBukumkani.
13 imiz: Iimfuno zasekuhlaleni.
22 imiz: “Ngaba Ubuphumeza Ngokucokisekileyo Ubulungiseleli Bakho?”a Emva kokuxubusha isiqendu 1-3 nabaphulaphuli, yenza imiboniso emibini emifutshane ngamaphephancwadi—komnye usebenzise uVukani! kaSeptemba 8 komnye usebenzise IMboniselo kaSeptemba 15. Emva kokuxubusha isiqendu 4, yenza umboniso ngentshumayelo ecetyisiweyo, ngencwadi ethi Ulwazi.
Ingoma 124 nomthandazo wokuqukumbela.
Iveki Eqala NgoSeptemba 17
15 imiz: Izaziso zasekuhlaleni. Ingxelo yemali. “Zikwi-Index.” Bonisa indlela yokufumana iintshumayelo zale nyanga zencwadi ethi Oyena Mntu Ubalaseleyo Wakha Waphila.
15 imiz: Siqhube Njani Kunyaka Ophelileyo? Intetho ngumveleli wenkonzo. Hlolisisa iimbalasane kwingxelo yebandla yonyaka wenkonzo wama-2001. Bancome ngezinto ezintle eziye zenziwa. Gxininisa kwindlela eliye laqhuba ngayo ibandla kuziwo lweentlanganiso, ukuya rhoqo kwinkonzo yasentsimini, nakumsebenzi wokuqhuba izifundo zeBhayibhile, ubalaselise amacebiso asebenzisekayo ukuze liphucule. Chaza usukelo olusengqiqweni lonyaka ozayo.
15 imiz: Isingxobo Semibuzo. Intetho. Hlolisisa ucwangciso lweentlanganiso zenkonzo yebandla zeveki nganye. Chaza indlela abanokuba negalelo ngayo bonke abakhoyo kwiingxubusho ezakhayo kwezi ntlanganiso. Khuthaza ibandla ukuba lixhase la malungiselelo enkonzo.
Ingoma 129 nomthandazo wokuqukumbela.
Iveki Eqala NgoSeptemba 24
15 imiz: Izaziso zasekuhlaleni. Mayisingathwe ngumveleli wenkonzo. Usebenzisa amacebiso akwinqaku elithi “Oko Unokukuthetha Ngamaphephancwadi,” yenza imiboniso emibini yamaphephancwadi—komnye usebenzisa uVukani! kaOktobha 8 komnye usebenzisa iMboniselo kaOktobha 1. Xubusha amalungiselelo okugqibela entsimi engabelwanga bani. Njengoko uOktobha eyinyanga yokugqibela yephulo lentsimi engabelwanga bani, bakhuthaze bonke ukuba babe nesabelo esizeleyo.
30 imiz: Thandani UThixo—Kungekhona Izinto Ezisehlabathini. (1 Yohane 2:15-17) Intetho nengxubusho nabaphulaphuli yempinda yocwangciso lwendibano yesiphaluka olwaluqhutywa kunyaka wenkonzo ophelileyo. Cela abaphulaphuli ukuba bagqabaze ngeengongoma eziziintloko ezafundwayo nendlela abaye bazisebenzisa ngayo ngokobuqu okanye njengamaqela eentsapho. (Iinxalenye zayo zingabelwa abantu kusengaphambili.) Balaselisa ezi nxalenye zocwangciso: (1) “Ukuthanda UThixo Kusishukumisela Kubulungiseleli Bethu.” Uthando olunjalo lusinceda sikwazi ukujamelana neemvakalelo ezingafanelekanga ezinokusiphazamisa ekushumayeleni kwethu—uloyiko, iimvakalelo zokungafaneleki, ukoyika abantu. (2) “Abathandi BakaYehova Bakuthiyile Okubi.” (w99-XO 10/1 28-31) Ukuba nolwalamano noThixo kuxhomekeke ekuthiyeni kwethu oko akuthiyileyo—ingabi koko kucacileyo ukuba kungendawo kuphela, kodwa kwanobubi obuchuliweyo. (3) “Sukelani Indlela Egqwesileyo Yothando.” (w92-XO 7/15 27-30) Eyokuqala kwabaseKorinte 13:4-8 ibonisa isizathu sokuba sinyamezele ukungafezeki kwabanye, siphephe ukuzingca nokukhuphisana, intlebendwane eyenzakalisayo, size sihlale sinyanisekile kwintlangano kaThixo. (4) “Izinto Ezisehlabathini—Sizijonga Njani?” Asifanele sithande izinto ezisehlabathini, sinikezele kwiminqweno yenyama, silahlekiswe yiminqweno yamehlo okanye ukuqhayisa ngezinto zikabani. (5) “Ukungabi Yinxalenye Yehlabathi Kusigcina Sikhuselekile.” Eyesibini kwabaseKorinte 6:14-17 ibonisa indlela iinkolelo, amasiko nezinto ezithile ezenziwayo ezinokusenza singamkeleki ngayo kuThixo. Simele siyiqonde size siyiphephe imigibe kaMtyholi. (6) “Izithembiso ZikaThixo Kwabo Bathanda UThixo.” (w86-XO 6/15 5-6) Intsikelelo kaYehova yongeza uvuyo kubomi bethu ize isityebise ngokomoya.—1 Tim. 6:17-19.
Ingoma 133 nomthandazo wokuqukumbela.
Iveki Eqala Ngo-Oktobha 1
10 imiz: Izaziso zasekuhlaleni. Khumbuza abavakalisi ukuba bangenise ingxelo yenkonzo yasentsimini kaSeptemba kubaqhubi beSifundo Sencwadi Sebandla. Iindaba Ezingokobuthixo.
15 imiz: Ndinokuphucula Njani Esikolweni? Umdala nomfazi wakhe okanye isicaka solungiselelo nomfazi waso bathetha nomntwana wabo ohamba isikolo. Baxhalatyiswa kukubona ukuba lo mntwana akaqhubi kakuhle kumsebenzi wesikolo. Bahlolisisa icebiso elikwincwadi ethi Imibuzo Yabantu abaselula, isahluko 18, baze baxubushe oko kufuneka kwenziwe nguloo mntwana ukuze aphucule. Abazali babethelela ukubaluleka kokufumana imfundo esisiseko esemgangathweni ukuze ubani akulungele ngokupheleleyo ukuba kwinkonzo engcwele.
20 imiz: “Ngaba Umsebenzi Wakho Ungumqobo Ekushumayeleni?”b Bethelela imfuneko yokulungelelana emsebenzini, yokwenza izinto ezenza izilangazelelo zoBukumkani zibe kwindawo yokuqala. Cela iintloko-ntsapho ezisebandleni zibalise indlela ezihlangabezana ngayo nocelomngeni lokulungiselela iintsapho zazo ngokwasenyameni ngaphandle kokuphazamisana neemfuno zazo zokomoya.
Ingoma 137 nomthandazo wokuqukumbela.
[Imibhalo esemazantsi]
a Yenza intshayelelo emfutshane engaphantsi komzuzu, uze ulandelise ngengxubusho yemibuzo neempendulo.
b Yenza intshayelelo emfutshane engaphantsi komzuzu, uze ulandelise ngengxubusho yemibuzo neempendulo.