Ucwangciso Lwentlanganiso Yenkonzo
Iveki Eqala NgoJanuwari 13
10 imiz.: Izaziso zebandla lasekuhlaleni. IZaziso Ezikhethiweyo ezikuBulungiseleli Bethu BoBukumkani. Usebenzisa amacebiso akwiphepha 4, yiba nemiboniso emibini ubonisa indlela yokuhambisa IMboniselo kaJanuwari 15 noVukani! kaJanuwari 8. Kumboniso ngamnye, la maphephancwadi amele ahanjiswe omabini, nangona kuthethwa ngephephancwadi elinye kuwo.
15 imiz.: Ngaba Uhlolisisa IZibhalo Imihla Ngemihla? Intetho nengxubusho nabaphulaphuli. Bakhuthaze bonke ukuba basebenzise incwadi ethi Ukuhlolisisa IZibhalo Imihla Ngemihla—2003. Xubusha amagqabaza akwintshayelelo ekwiphepha 3-4. Nikela amacebiso ngendlela enokuxutyushwa ngayo itekisi yosuku njengentsapho. Bonisa iingenelo zokuxubusha itekisi suku ngalunye ngokwenza umzekelo omnye okanye emibini yetekisi namagqabaza aza kuxutyushwa kwinyanga elandelayo. Quka nomboniso omfutshane wendoda nomfazi bexubusha itekisi yosuku namagqabaza kunye.
20 imiz.: “Ukuphila Ngokuvisisana Nozahlulelo Lwethu.”a Emva kokuqwalasela isiqendu 3, ngokufutshane yiba nodliwano-ndlebe nomntu obhaptiziweyo oselula okanye okwishumi elivisayo. Luluphi ucelomngeni aye wajamelana nalo emva kokubhaptizwa kwakhe? Uncedwe yintoni ukuze oyise olo celomngeni? Uye wangenelwa njani emva kokuba ezahlulele kuYehova?
Ingoma 22 nomthandazo wokuqukumbela.
Iveki Eqala NgoJanuwari 20
8 imiz.: Izaziso zebandla lasekuhlaleni. Iingxelo zemali.
22 imiz.: “Fundisa Abanye Ulwimi Olusulungekileyo.”b Emva kokuqwalasela isiqendu 6, yiba nomvakalisi ofanelekayo ebonisa indlela yokuqalisa isifundo seBhayibhile emnyango xa ubuyela, esebenzisa enye yeentshumayelo ezikuBulungiseleli Bethu BoBukumkani bukaJanuwari 2002, kwiphepha 4. Xubusha esinye seziqendu ezikwincwadana enemifanekiso ethi Okufunwa NguThixo. Lo mvakalisi makaqukumbele ngokubuza umbuzo okwisiqendu esilandelayo aze acele ukuza kuwuphendula kwixa elizayo. Bakhuthaze bonke ukuba bahlole enoba amabuyelo abo angakuvuyela kusini na ukufunda iBhayibhile ngale ndlela.
15 imiz.: Uncedo Lokuthobela Umthetho KaThixo Ophathelele Igazi. Intetho enikelwa ngumdala ofanelekayo, esekelwe kulwandlalo lwentetho oluthunyelwe yiofisi yesebe. Unobhala ufanele abe nenani elaneleyo lezi zinto zilandelayo: iqweqwe leAdvance Medical Directive/Release neIdentity Card. La maqweqwe aya kunikwa abavakalisi ababhaptiziweyo emva kweentlanganiso zanamhlanje, kodwa AKAFANELE azaliswe kwangoku. Ukuwatyobela, nokutyobela kwabaza kuba ngamangqina, kunye nokubhala umhla kusenokwenziwa kwiSifundo Sencwadi Sebandla seveki ezayo, ngoncedo lomveleli wesifundo sencwadi. Umvakalisi ufanele atyobele phambi kwabo baza kutyobela njengamangqina. Abavakalisi abangabhaptizwanga basenokuzibhalela awabo amaqweqwe nawabantwana bobo besebenzisa amazwi akula maqweqwe ngokweemeko zabo nolweyiseko lwabo.
Ingoma 68 nomthandazo wokuqukumbela.
Iveki Eqala NgoJanuwari 27
10 imiz.: Izaziso zebandla lasekuhlaleni. Bakhumbuze abavakalisi ukuba banike abaveleli bezifundo zencwadi abakuzo iingxelo zenkonzo yasentsimini. Usebenzisa amacebiso akwiphepha 4, yiba nemiboniso emibini eyahlukeneyo ubonisa indlela yokuhambisa IMboniselo kaFebruwari 1 noVukani! kaFebruwari 8. Kumboniso ngamnye, umvakalisi makaqukumbele ngokunika umninimzi iphecana elithi, Ngaba Ungathanda Ukwazi Ngakumbi NgeBhayibhile?—kowathabathayo nalowo ungawathabathiyo amaphephancwadi. Ngokufutshane chaza indlela esinokubuyela ngayo kwabo sibashiyele amaphephancwadi saza sabashiyela nephecana.—Bona UBulungiseleli Bethu BoBukumkani bukaNovemba 2001, iphe. 4, isiqe. 10.
15 imiz.: Azuzeke Ngaphandle KweLizwi. Intetho nengxubusho nabaphulaphuli. Ihambo entle yobuKristu bubungqina obunamandla. Iye yashukumisela amaqabane angakholwayo ekubeni anqule uYehova. (1 Pet. 3:1, 2) Balisa amava akwiMboniselo kaJanuwari 1, 1999, iphepha 4; IMboniselo kaOktobha 1, 1995, iphepha 10-11; neNcwadi Yonyaka Yowe-1995, iphepha 46. Lungiselela ukuba abazalwana ababini okanye abathathu bagqabaze ngemiphumo emihle abaye bayifumana ngokulandela esi siluleko.
20 imiz.: Iimfuno zebandla lasekuhlaleni.
Ingoma 124 nomthandazo wokuqukumbela.
Iveki Eqala NgoFebruwari 3
15 imiz.: Izaziso zebandla lasekuhlaleni. Xubusha Ibhokisi Yemibuzo. Khuthaza abavakalisi ukuba basebenzise ifomu ethi Please Follow Up (S-43) xa bedibana nabantu abangakwaziyo ukuthetha okanye abathetha isiPhuthukezi okanye abathetha olunye ulwimi, njengokuba kwachazwayo kwileta eyayisiya kuwo onke amabandla kaJuni 1, 2000. Le fomu ifanele isetyenziselwe le njongo kwanokuba loo mntu akanamdla kwisigidimi soBukumkani.
12 imiz.: Xelisa Ukholo Lwabo. Dlan’ indlebe nomdala oye wakhonza uYehova ngokuthobeka nokuthembeka iminyaka emininzi. (Heb. 13:7) Wayifunda njani inyaniso? Yiyiphi imiqobo ekwafuneka ayeyise ukuze amele inyaniso? Ngawaphi amalungiselelo okomoya okanye ukhuthazo oluye lwamnceda wenza inkqubela ngokomoya? Yintoni aye wayenza ukuze afaneleke njengomdala? (1 Tim. 3:1) Yintoni eye yamnceda walungelelanisa iimbopheleleko zebandla, ezomsebenzi nezentsapho? (1 Tim. 5:8) Uvakalelwa njani ngokunceda abanye ebandleni benze inkqubela?
18 imiz.: “Umsebenzi Ofuna Ukuthobeka.”c Xa uxubusha isiqendu 3, cela abaphulaphuli bagqabaze ngendlela esifanele sisabele ngayo entsimini xa sigculelwa okanye sidibana nomntu okrwada, okanye onomsindo. Xa uxubusha isiqendu 4, quka amagqabaza akwi-Insight, Umqulu 1, iphepha 1160, isiqendu 3.
Ingoma 133 nomthandazo wokuqukumbela.
[Imibhalo esemazantsi]
a Intshayelelo yakho mayibe ngaphantsi komzuzu omnye, wandule ke ukubuza imibuzo.
b Intshayelelo yakho mayibe ngaphantsi komzuzu omnye, wandule ke ukubuza imibuzo.
c Intshayelelo yakho mayibe ngaphantsi komzuzu omnye, wandule ke ukubuza imibuzo.