Ucwangciso Lwentlanganiso Yenkonzo
Iveki Eqala NgoMatshi 8
10 imiz: Izaziso zebandla lasekuhlaleni. IZaziso ezikhethiweyo zoBulungiseleli Bethu BoBukumkani. Bakhumbuze ukuba kwiNtlanganiso Yenkonzo yeveki elandelayo beze nencwadana enemifanekiso ethi “Khawubone Eli Lizwe Lihle.” Usebenzisa amacebiso akwiphepha 4, bonisa indlela yokuhambisa IMboniselo kaMatshi 15 noVukani! ka-Aprili 8.
15 imiz: Ukuqalisa Incoko Usebenzisa Amaphecana. Ingxubusho nabaphulaphuli. Ngokufuthi eyona nto iba nzima ngokwenene ekushumayeleni kukuqalisa incoko. Amaphecana anokukwazi ukunceda uqalise incoko xa ushumayela kwindlu ngendlu, kwindawo yamashishini nakwiindawo zikawonke-wonke. Ngokufutshane hlolisisa amaphecana amabini okanye amathathu anokubangel’ umdla kwintsimi yebandla lenu. Anokutshayelelwa njani la maphecana? Inokusetyenziswa njani imifanekiso? Yiyiphi imibuzo enokubuzwa ngobuchule? Kwiphecana ngalinye balaselisa isiqendu esinokuxutyushwa xa umninimzi enomdla. Bonisa indlela enokuqaliswa ngayo incoko kusetyenziswa iphecana. Yiba nomvakalisi exubusha ngokufutshane isiqendu esinye esikwiphecana aze aqukumbele ngokuhambisa incwadi ethi Ulwazi.
20 imiz: “Mthandeni UYehova, Nonke Nina Banyanisekileyo.”a Xa nixubusha isiqendu 3, cela abaphulaphuli bagqabaze ngendlela abaye babamemela kwiSikhumbuzo ngayo abantu.
Ingoma 131 nomthandazo wokuqukumbela.
Iveki Eqala NgoMatshi 15
10 imiz: Izaziso zebandla lasekuhlaleni. Xubusha iingongoma eziziintloko phantsi kothi “Okufanele Kukhunjulwe NgeSikhumbuzo.” Chaza usuku esiya kuqhutywa ngalo iSifundo SeMboniselo ngeveki yeSikhumbuzo.
15 imiz: Amalungiselelo Omsebenzi Okhethekileyo Ngexesha LeSikhumbuzo. Umveleli wenkonzo uxubusha nabaphulaphuli. Chaza amalungiselelo akhethekileyo enziweyo. Balisa amava ambalwa amafutshane aye ananditshwa. Khuthaza abo banokukwazi ukuba babhalise njengoovulindlela abangabancedani ngoAprili nangoMeyi. Ngokufutshane hlolisisa iingongoma ezimbalwa ezikwisihlomelo soBulungiseleli Bethu BoBukumkani bukaFebruwari.
20 imiz: Fumana Iingenelo Kwincwadana Enemifanekiso Ethi “Khawubone Eli Lizwe Lihle.” Le ncwadana inemifanekiso intsha inokusenza sikwazi ukufundisisa iLizwi likaThixo ngendlela enentsingiselo. Undoqo kukusebenzisa isalathiso sayo. Funda uIsaya 63:1, emchaza uYehova njengophuma eBhotsera. Bacele ukuba bakhangele indawo ekuyo iBhotsera kwisalathiso sale ncwadana inemifanekiso ethi “Ilizwe Elihle.” Chaza intsingiselo yebinzana elithi “Botsera 11 G11,” usebenzisa ibhokisi ekwiphepha 34, uze ukhangele iBhotsera ne-Edom kwimaphu ebonisiweyo. Usebenzisa isalathiso, khangela indlela awayehamba ngayo uYesu xa wayesuka eYerusalem esiya eSikare. (Yoh. 4:3-5) Yenza okufanayo ukhangele indawo elalikuyo ichibi laseBhethezatha. (Yoh. 5:1-3) Kufundo lweBhayibhile lweeveki ngeeveki olukwiSikolo Sobulungiseleli Sobuthixo khetha umzekelo omnye okanye emibini. Cela abaphulaphuli bachaze iindawo ezifumaneka kuyo ezo ndawo kule ncwadana inemifanekiso nendlela esingenelwa ngayo ngokujonga kwiimaphu. Ngokufutshane balaselisa ezinye zeemaphu ezikule ncwadana inemifanekiso, uchaze ixesha ezigutyungelwe ngalo. Imaphu ekwiphepha 18-19 inezona ndawo zininzi ekuthethwa ngazo eBhayibhileni. Babongoze bonke ukuba bayisebenzise ngokuyingenelo incwadana enemifanekiso ethi “Khawubone Eli Lizwe Lihle.”
Ingoma 63 nomthandazo wokuqukumbela.
Iveki Eqala NgoMatshi 22
10 imiz: Izaziso zebandla lasekuhlaleni. Ingxelo yemali. Bakhumbuze ukuba balandele ucwangciso lofundo lweBhayibhile lweSikhumbuzo lweveki kaMatshi 30 ukusa kuAprili 4, njengoko lubhalwe kwincwadi Ukuhlolisisa IZibhalo Imihla Ngemihla—2004 nakwiKhalenda Yowama-2004.
15 imiz: Iimfuno zebandla lasekuhlaleni.
20 imiz: “Uhlaselo Olukubandakanyayo.”b Funda uze uxubushe izibhalo ezibonisiweyo ukuba ixesha liyavuma.
Ingoma 181 nomthandazo wokuqukumbela.
Iveki Eqala NgoMatshi 29
10 imiz: Izaziso zebandla lasekuhlaleni. Iindaba Zobuthixo. Khumbuza abavakalisi ukuba badlulise iingxelo zenkonzo yasentsimini kaMatshi. Chaza uncwadi oluza kuhanjiswa ngoAprili. Usebenzisa amacebiso akwiphepha 4, bonisa indlela yokuhambisa IMboniselo ka-Aprili 1 noVukani! ka-Aprili 8.
15 imiz: Yisebenzise Ngokuyingenelo Incwadi Yonyaka Yowama-2004. Intetho nengxubusho nabaphulaphuli. Khankanya iimbalasane ezifumaneka ‘Kwileta Evela KwiQumrhu Elilawulayo,’ amanani abalaseleyo engxelo yehlabathi lonke, kunye namava ambalwa omeleza ukholo. Bakhuthaze bonke ukuba bayifunde yonke le ncwadi ebudeni balo nyaka.
20 imiz: Inyaniso Imanyanisa Iintsapho. Intetho nengxubusho nabaphulaphuli. Abasebatsha maxa wambi baye barhoxobise ekukhonzeni uYehova ngenxa yokuchaswa ngamalungu entsapho. Makubaliswe amanye ala mava alandelayo: IMboniselo kaJanuwari 1, 2002, iphepha 14-15; IMboniselo kaDisemba 1, 2000, iphepha 8; IMboniselo kaSeptemba 1, 1999, iphepha 32; IMboniselo kaJanuwari 1, 1999, iphepha 4; noVukani! wesiNgesi kaFebruwari 22, 1998, iphepha 31. Gxininisa into yokuba ubomi bentsapho budla ngokuphucuka kwanokuba lilungu elinye lentsapho elisebenzisa imigaqo yeBhayibhile.
Ingoma 130 nomthandazo wokuqukumbela.
Iveki Eqala NgoAprili 5
10 imiz: Izaziso zebandla lasekuhlaleni.
20 imiz: Ukucoceka Emzimbeni Kusenza Sinconywe. Intetho esekelwe kwiMboniselo kaJuni 1, 2002, iphepha 19-21. Quka umboniso womdala ebonisa uvulindlela indlela ekububuchule ngayo ukunceda umfundi weBhayibhile aqonde ukubaluleka kokugcina umzi neyadi yakhe icocekile, esebenzisa isifundo 9, isiqendu 5 sencwadana enemifanekiso ethi Okufunwa NguThixo.
15 imiz: Balisa amava anento yokwenza neSikhumbuzo nomsebenzi wenkonzo owandisiweyo ngoMatshi.
Ingoma 25 nomthandazo wokuqukumbela.
[Imibhalo esemazantsi]
a Intshayelelo yakho mayibe ngaphantsi komzuzu omnye, wandule ke ukubuza imibuzo.
b Intshayelelo yakho mayibe ngaphantsi komzuzu omnye, wandule ke ukubuza imibuzo.