Iimbalasane ZeBhayibhile INdumiso 42 kuse kweyama-72
“Lindela KuYehova”
Abakhonzi bakaYehova banokuhlangabezana neemvavanyo zokholo ngonyamezelo ngenxa yokuba uThixo uliGwiba noMhlanguli wabo. Hayi indlela ekuboniswe kakuhle ngayo oku kwiNcwadi yeSibini yeeNdumiso! Ewe, INdumiso 42 kuse kweyama-72 ingqina ukuba sinokunyamezela ukuba ngomthandazo silindela kuYehova ukuba asihlangule.
“Lindela KuThixo”
Khawufunde INdumiso 42 kuse kweyama-45. UmLevi othinjiweyo ubuhlungu kuba engenakuya engcweleni kaYehova, kodwa wanelisekile ‘kukulindela kuThixo’ ukuba athabathe inyathelo njengoMhlanguli wakhe. (INdumiso 42, 43) Kwandule ke kuze isicelo sohlanga olusengozini, mhlawumbi ngendlela engangqalanga simayela nokungenelela kwamaAsiriya uYuda ngomhia kaKumkani uHezekiya. (INdumiso 44) Ngokulandelayo, ingoma yomtshato yasebukhosini yalatha kuMesiya, uYesu Kristu.—INdumiso 45.
◆—Umdumisi wayefana njani ‘nexhama elifuna amanzi’?
Ngasizathu sithile, lo mLevi wayesekuthinjweni. Wayelahlekelwe kakhulu kukunqula engcweleni kaYehova kangangokuba waziva efana nexhamakazi elizingelwayo nelinxaniweyo, elifuna amanzi kwilizwe eliyinkqantosi nelingenamanzi. ‘Wayenxanelwe,’ okanye wayefuna, uYehova nelungelo lokunqula uThixo engcweleni Yakhe.— of Ps 42Indinyana 2.
◆—Liliphi eli “lizwi lihle” lachukumisa intliziyo yomdumisi?
Inxalenye yale ndumiso yayibhekiselwa kuYesu Kristu.; Hebhere 1:8, 9) Ngoko intliziyo yalo mdumisi yayichukunyiswe sisiganeko sexesha elizayo—ukumiselwa koBukumkani obungoMesiya ngowe-1914. NamaNgqina kaYehova, ashukunyiselwa ukuba alivakalise eli “lizwi lihle.”
Esikufundayo Koku: Amava omdumisi osekuthinjweni afanele asishukumisele ukuba sibonakalise uxabiso olunzulu ngonxulumano esilunandiphayo ngoku nabantu bakaYehova. Ukuba ukuvalelwa okubangelwa yintshutshiso kuyasithintela okomzuzwana ukuba sibe nabo, sinokucamngca ngovuyo lwangaphambili kwinkonzo engcwele yaye sifanele sithandazele unyamezelo ngoxa ‘silindele kuThixo’ ukuba asibuyisele kunxulumano lokusebenza nabanquli bakhe.—INdumiso 42:4, 5, 11; 43:3-5.
IGwiba Lethu Elinenceba
Funda INdumiso 46 kuse kweyama-51. UYehova, iGwiba lethu, uya kuziphelisa iimfazwe. (INdumiso 46) ‘UnguKumkani ehlabathini lonke,’ yaye lo Mkhuseli ungenakoyiswa unguThixo wethu ngonaphakade. (INdumiso 47, 48) Abacinezelekileyo bamele balindele kuYehova, kodwa bonke abo ‘babingelela umbulelo wabo’ baya ‘kulubona usindiso lukaThixo.’ (INdumiso 49, 50) Ukuba siyona size kodwa siguquke, njengokuba uDavide wenjenjalo kwisono sakhe noBhatshebha, uThixo uya kusihlangula ekubeni netyala legazi ngenxa yokuba ‘intliziyo eyaphukileyo netyumkileyo akayi kuyidela.’—INdumiso 51.
◆—‘Ihlabathi linokuphenduka’ njani?
Nokuba iintaba zazisithi shwaka elwandle ngenxa yokunyikima kwemvelo komhiaba, abo bathembele kuThixo bekungayi kufuneka boyike. Kungakhathaliseki ukuba kwenzeka ntoni, banokuba nentembelo engagungqiyo kuYehova njengeGwiba labo.
◆—Sisiphi isono awayebhekisela kuso apha uDavide?
Wayengathethi kuthi iintlobano zasemtshatweni, ukukhawula, nokuzala kusisono; wayengabhekiseli nakusiphi na isono esingqalileyo sikanina. Kunoko, wayebhekisela kwimeko yakhe yokuba nesono njengenzala kaAdam. (Yobhi 14:4; Roma 5:12) UYehova wenzela uDavide inceba kungekuphela nje ngenxa yomnqophiso woBukumkani kodwa kwanangenxa yokuba wayeguquka.—2 Samuweli 7:12-16.
Esikufundayo Koku: INdumiso 46 yayiya kufanelekela ixesha laxa iYerusalem yayisongeIwa ngama-Asiriya. Esazi ukuba ‘uThixo uligwiba, ezimbandezelweni ufumaneka eluncedo kunene,’ uKumkani uHezekiya wathandaza kuYehova, yaye ngendlel’ emangalisayo isixeko sahlanguIwa. (2 Kumkani, isahluko 19) Nathi, xa siphantsi kwengcinezelo, sifanele simenze iGwiba lethu uThixo. Njani? Ngokuthembela kuye, ngokubambelela kwiLizwi lakhe nangokunamathela kwintlangano yakhe.
Intlangulo Iqinisekisiwe
Funda INdumiso 52 kuse kweyama-57. UThixo uya kumnyothula umntu ombi ‘ezweni labaphllileyo’ yaye uya ‘kuwathi saa amathambo’ akhe nabani na ochasa abantu Bakhe. (INdumiso 52, 53) Xa wayezingelwa nguSawule, uDavide wayeqiniseklle ukuba wayeya kuhlangulwa nguThixo, yaye njengexhoba lokungcikivwa, walahlela umthwalo wakhe kuYehova. (INdumiso 54, 55) Umdumisi wayanelisekile kukulindela kuThixo ukuba aphelise iinkxwaleko.—INdumiso 56, 57.
◆—Ilungisa lifana njani nomthi womnquma?
Umthi womnquma unokufuzisela ukuthwala isiqhamo, ubuhle nokuba nobungangamsha. (Yeremiya 11:16; Hoseya 14:6) Kule ndumiso, umcebi ongendawo obeya kuba nesiphelo esibi uthelekiswa nomntu olilungisa okhuselekileyo nochumayo njengomthi womnquma oluhlaza.
◆—Kwakutheni ukuze uDavide athi, “Ndisindise ngegama lakho”?
Igama likaThixo alinamandla obugqi kodwa linokumela uThixo ngokwakhe. Ngenxa yoko, ngesi sicelo, uDavide wayevuma ukuba uYehova unako ukusindisa abantu Bakhe. (Eksodus 6:1-8) Nangona amaZifi amxelelayo uKumkani uSawule iindawo azimela kuzo uDavide, ukungenela kwamaFilisti amaSirayeli kwalinqamla ithuba lokuzingela kukaSawule uDavide. (1 Samuweli 23:13-29; INdumiso 54, umbhalo osemantla) Ngaloo ndlela uYehova wamsindisa uDavide.
Esikufundayo Koku: Iintshaba zikaDavide zaye zomba umngxuma ngaphambi kwakhe. (INdumiso 57:6) Umngxuma onjalo wokweyelisela umntu ubungamela ilmeko eziyingozi okanye izabatha zokwenzakalisa abakhonzi bakaYehova. Kodwa abachasi babantu bakaThixo banokubanjiswa kwangamacebo abo obubi. Ngoko ukuba sithembela ngoYehova size sibe ngabaphaphileyo, intlangulo yethu iqinisekisiwe.—IMizekeliso 11:21; 26:27.
‘Ukulinda Ngenzolo’
Funda INdumiso 58 kuse kweyama-64. Exhalatyiswe kukungabikho kokusesikweni, uDavide wathandazela impindezelo kaThixo kwabangendawo. (INdumiso 58, 59) Xa wayesongelwa ngokoyiswa, wacela ukuhlangulwa yaye waqiniseka ukuba uThixo wayeya kuziqusha iintshaba. (INdumiso 60) UYehova wayesele eligwiba likaDavide; ngoko wayesithi alindele ngokuzolileyo ukuba asindiswe. (INdumiso 61, 62) Enyanzelelwa ukuba aye entlango, mhlawumbi xa uAbhisalom wavukelayo, uDavide wafumana uvuyo ‘esithunzini samaphiko kaThixo.’ (INdumiso 63) Umdumisi wakwathandazela ukukhuselwa ‘kwabanobubi’ yaye wayenentembelo yokuba ilungisa laliya kufumana igwiba kuYehova.—INdumiso 64.
◆—Abangendawo bafana njani nenyoka?
Amazwi okuxoka nanyelisayo ongendawo anokulutshabalalisa udumo lwalowo abhekiswa kuye, nanjengokuba ubuhlungu benyoka bunokuba bobubulalayo. (INdumiso 140:3; Roma 3:13; Yakobi 3:8) Ngaphezu koko, abangendawo ‘bazizithulu njengephimpi elivingca iindlebe zalo,’ ngenxa yokuba bayala ukuva nokwamkela ulwalathiso.
◆—Inceba kaThixo “ilunge ngaphezu kobomi” ngayiphi indlela?
Ubomi ngokwahlukileyo kuThixo abunayo injongo yokwenyaniso. Kodwa uthando lokunyaniseka lukaYehova olwabonakaliswa kuDavide lwaba nentsingiselo yokwenene kubomi bakhe. Ubuhlobo obusenyongweni noThixo busoloko bubenza ubomi bube nentsingiselo kubakhonzi bakhe abakholisekileyo, bubaqinisekisa ngoncedo nokhokelo lobuthixo, yaye bubenza bakhangele phambili ekuphileni ngolonwabo ngonaphakade.
Esikufundayo Koku: UDavide wayanelisekile ‘kukulindela ngokuzolileyo’ kuThixo ukuba amhlangule. (INdumiso 62:1-7) Ekubeni wayezithobe kukuthanda kukaYehova, waziva enqabisekile yaye enentembelo ezolileyo kuThixo. Ukuba sinentembelo enjalo kuYehova, “uxolo lukaThixo” luya kuzigcina iintliziyo neengqondo zethu ngoxa silindele ukuhlangulwa nguThixo kwiintshaba nakwiimbandezelo.—Filipi 4:6, 7; INdumiso 33:20.
Mdumiseni UMhIanguli Wethu
Funda INdumiso 65 kuse kweyama-72. UYehova uyadunyiswa njengoMthombo wesivuno esiyintabalala, wezandyondyo zemvula, wamadlelo amaninzi nemihlambi eyandayo. (INdumiso 65) Kufanele kuvunywe imibongo ‘kuzuko lwegama lakhe.’ (INdumiso 66) Ufanele abongwe, yaye uyadunyiswa ‘njengoThixo wosindiso.’ (INdumiso 67, 68) Ukuva ubunzima kukaMesiya kwaxelwa kwangaphambili, yaye uYehova uyabongwa ‘njengoMsindisi’ lowo umdumisi wayeya kulindela uncedo lwakhe. (INdumiso 69-71) Intembelo enjalo iya kuvuzwa, kuba ukuchuma ehlabathini jikelele nokuhlangulwa kwingcinezelo kuqinisekisiwe ebudeni bolawulo lukaMesiya olusikelelekileyo.—INdumiso 72.
◆ —Ngoobani ababumba ‘umkhosi omkhulu’ weentokazi?
Emva kokuba uYehova esebenzise amadoda okulwa akwaSirayeli ukutshabalalisa utshaba, abafazi bakwaSirayeli babevakalisa iindaba ezilungileyo zoloyiso ngomculo, ngeengoma nangomngqungqo. (1 Samuweli 18:6, 7; thelekisa iEksodus 15:20, 21.) Ekuthobeleni “ilizwi” likaThixo, okanye umyalelo wakhe, amadoda akwaSirayeli alwa neentlanga ezilutshaba ezazikwiLizwe Ledinga aza azoyisa. Oku kwanika abafazi abangamaSirayeli iindaba ezilungileyo zokuzivakalisa kwizikhumbuzo zoloyiso. Namhlanje, abalungiseleli abangabafazi banendima ephawulekayo njengabavakalisi boBukumkani abaxela iindaba ezilungileyo ezimayela ‘nelizwi’ likaYehova, eliquka isilumkiso esiya ezintlangeni sokuba kungekudala ziya koyiswa nguKumkani onguMesiya, uYesu Kristu.
◆—Kwakutheni ukuze uThixo acelwe ukuba agxadazelise izinqe zotshaba?
Xa izihlunu ezomeleleyo ezisesinqeni ziqinisiwe, zinokuvelisa amandla angakumbi. Kodwa ukuswela amandla kuvela xa isinqe singcangcazela okanye sigungqa, mhlawumbi ngenxa yokoyika. Kwesi sicelo sokuhlangulwa, uDavide wacela uThixo ukuba ahiuthe iintlanga amandla azo azaziwasebenzisa kakubi.
◆—Le mveliso ixela ntoni?
‘Isiqhamo esinjengesiseLebhanon’ sisenokumela ingqolowa ekhula ishinyene yaye iphakame gqitha kangangokuba ifaniswe nemithi eluhlaza nephakamileyo yaseLebhanon. Mhlawumbi iindiza ezinde nezinkulu ezazikhule emathafeni ukunyuka ukuya kwiincopho zeentaba, nezazixakathe iinkozo zengqolowa zazinokuthelekiswa nemisedare emide nemikhulu yaseLebhanon. Oku kwalatha kwisivuno esiyintabalala ngokungaqhelekanga ebudeni bolawulo lukaMesiya. Yaye isibakala sokuba ‘abo basemzini beya kutyatyamba njengemifuno’ sibonisa ukuba abalawulwa basemhlabeni bakaYesu baya kuba baninzi ngenene.
Esikufundayo Koku: Umdumisi wathandaza esithi: “Wena, osibonisileyo iimbandezelo ezininzi ezinobubi, [Yehova] uya kubuya usiphilise.” (INdumiso 71:20) Nangona uThixo engabangeli iinzima ezinjalo, uyasivumela ukuba sivavanywe ukuze sinike Impendulo kuMngcikivi wakhe, uMtyholi. (Yakobi 1:13; IMizekeliso 27:11) UYehova akasoze asivumele silingwe ngaphezu kwesinokukuthwala yaye unokusinceda ukuba sithubeleze kwiimvavanyo zethu ngokholo olomeleleyo. (1 Korinte 10:13; 1 Petros 1:6, 7) AmaKristu athanjisiweyo abona “iimbandezelo ezininzi ezinobubi” xa ayetshutshiswa ngasekupheleni kweMfazwe Yehlabathi I. Kodwa uYehova ‘wawaphilisa’ ngowe-1919, yaye aqhubela phambili enkonzweni yoBukumkani, kamva ethelelwa ‘sisihiwele esikhulu.’ (ISityhilelo 7:9) Ngenxa yomphumo onjalo, ngokuqinisekileyo uMhlanguli Omkhulu ufanele adunyiswe.
Luyafuneka ukholo ukuze silindele kuThixo ukuba asihlangule. Kusenokufuneka ukuba silinde ngokuzolileyo ngenxa yokuba kungekho nto sinokuzenzela yona ukuguqula iimeko zethu ezinzima. Kanti, siya kukwazi ukunyamezela, njengokuba abadumisi benzayo, ukuba sanelisekile kukulindela kuYehova.