Intsika Eselwandle

◼ Ngaba ukhe wasibona isaqhwithi esisemanzini? Sikhe sabakho kunxweme lwaseTahiti ngoDisemba 25, 2005. Esi saqhwithi sibangelwa ngumoya ojikeleza namanzi phakathi kwesibhakabhaka nolwandle ibe loo nto yenzeka kangangemizuzu engama-30. Yathi ke yaba mhlophe yaza ke yanyamalala.

Maxa wambi ezi zaqhwithi zisemanzini zibizwa ngokuba ziinkanyamba zamanzi kodwa ke azinamandla njengeenkanyamba eziqhelekileyo. Zidla ngokuthatha imizuzu elishumi, nangona ezinye zikhe ziyithathe neyure. Ngenxa yokuba zisenzeka elwandle, kunzima ukuqonda ukuba ziza kwenzeka nini. Oku kwenza ukuba kube nzima ngezazi zemozulu ukuba ziziqonde ngokupheleleyo. Ngokutsho kweengxelo, zenza ingxolo enkulu, efana naleyo kaloliwe womthwalo.

Xa wayechaza ukuphazamiseka ngokweemvakalelo, umdumisi wamandulo ekuthethwe ngaye eBhayibhileni wabhala wathi: “Amanzi anzongonzongo abiza amanzi anzongonzongo kwakuvakala isandi somtshizo wamanzi akho.” (INdumiso 42:7) Nangona singenakutsho ukuba umdumisi ekuthethwe ngaye eBhayibhileni wayebhekisela kolu hlobo loqhwithela, kusenokwenzeka ukuba iimvakalelo zakhe zichazwa kakuhle kule meko. Wathi umphefumlo wakhe “uphelelwe lithemba” yaye “uxokozela” ngaphakathi kuye. Kodwa wafuna ukuthuthuzelwa nguThixo. Wathi kumphefumlo wakhe: “Lindela kuThixo, Kuba ndisaya kumbonga njengosindiso oluzukileyo lwam siqu nanjengoThixo wam.”—INdumiso 42:11.

Kanye njengomdumisi sinokuba neengxaki ezinokuthelekiswa nenkanyamba eselwandle. Kodwa ukuba silindela kuThixo uya kuba lusindiso oluzukileyo kuthi.