Jehovah nagnamia Mpamonjy atsika

29 Tamy Zagnahary, karaha zanakalahy talagnolo ilay rahanamboariny fagnahy voanalohany.

Tegna tia izy ankitigny Zagnahary, boaka iô hampiasainy izy beky hagnafoagna olo ratsy ndraiky hamonjy irô mpagnaraka volagnanany.—Jaona 3:16, 36

30 Nagniraka Zanakanany Jehovah beky hateraka teto an-tany. Jesosy agnaragna namiagna izy. Maria agnaran-dreniny.—Lioka 1:30-35

31 Izikoa lôso olobe Jesosy, nampianatra raha tsara maro izy. Nampianatra izy fa Jehovah zaraiky fo Zagnahary marigny.—Marka 12:29, 30

Nivolagna Jesosy fa Jehovah zaraiky fo tôkony hitompoetsika.—Matio 4:10; Jaona 4:23, 24

Nampianatra olo mikasiky fanjakan’i Jehovah koa izy.—Lioka 17:20, 21

32 Nampahivagna marary Jesosy, boaka iô nagnano raha tsara maro be. Tsy nagnano raha ratsy izy.—Asany Apostoly 10:38; 1 Petera 2:21, 22

Karakôry eky hamonjiany atsika amy fahotagna ndraiky fahafatesagna?

33 Tsy maintsy nagnamia fagnatitry tamy Zagnahary izy beky hamonjiagna olo tsara. Taloha, nivolagna tamin’olo Zagnahary beky hagnano fagnatitry biby, fôtony irô nanota.—Hebreo 7:25, 27

34 Tsy nagnano fagnatitry biby Jesosy. Tegnanany namiany ho fagnatitry ho atsika.—Matio 20:28; Hebreo 10:12

Hainao ma antony?