Mandanjalanja

Ino Raha Nataony Paoly?

VIDEO: Paoly Nitory Tamindro Atenianin̈y aby Io

1. Zahava VIDEO, na vakia Asan’ny Apostoly 17:22, 23, baka io valia fan̈ontanian̈a aby ty:

1. Ino raha tsapany Paoly momba fivavahan̈a diso hitany ta Atena?​—Zahava Asan’ny Apostoly 17:16.

2. Paoly tsy nasiaka iro atenianin̈y aby io, fa izy nampiasa raha ninoandro olo aby io hitorian̈a vaovao tsara tamindro. Akory ahitan̈a fa izy nahay nandanjalanja koa fa nan̈ano zen̈y?

Ino Raha Inarantsika Baka amy Paoly?

2. Izikoa fidintsika tsarabe raha hivolan̈intsika avio dinihintsika akory hivolan̈ana izy ndreky ombian̈a atsika hivolan̈a izy, hanjary ho moramora aminolo hitandren̈y atsika.

Aleva Tahaka Paoly

3. Fidiana tsarabe volan̈a ampiasain̈y. Ohatra, atsika koa mikoran̈a aminolo tsy Kristianin̈y, mila amboarintsika hely fomba ampidirantsika Baiboly na fomba fikoran̈antsika momba Jesosy.

4. Aza malaky man̈itsy olo. Ambilà izy han̈azava tsarabe hevitrinany. Izikoa izy mikoran̈a raha mifanohitry amy raha ampianariny Baiboly, aza mimalo aminany. (Jak. 1:19) Anao koa mitandren̈y izy tsarabe, ho hainao raha inoany ndreky antony mahavy izy mino zen̈y.​—Ohab. 20:5.

5. Mifen̈a fo hitady marimaritry hiraisan̈a baka io ankasitraha fo izy, izikoa mety. Izy mety mieritreritry fa raha inoany amy fivavahan̈anany io ten̈a marin̈y. Raha tokony hampifan̈araka anaro fo koràn̈a, baka io ampia tsihelihely izy hahatakatra raha ampianariny Baiboly.