MITSIDIKY
FIANARAN̈A 7
Tsy Voly Mitsidiky
Toro lalan̈a: “Iro tsy voly nampianatra ndreky nitory vaovao tsara.”—Asa. 5:42.
Ino Raha Nataony Paoly?
1. Zahava VIDEO, na vakia Asan’ny Apostoly 19:8-10, baka io valia fan̈ontanian̈a aby ty:
Akory nan̈aboahany Paoly fa izy tsy kivy fa nifen̈y fo nan̈ampy olo von̈ono hitandren̈y, ndray nisy olo sasany nanohitry izy?
Impiry Paoly nimpodipody nampianatra iro olo aby nitandren̈y io, baka io karakory fotoan̈a laniny nan̈anaovan̈a zen̈y?
Ino Raha Ianarantsika Baka amy Paoly?
2. Atsika mila manokana fotoan̈a ndreky mifen̈y man̈ano fiveren̈ana mitsidiky avio manomboko fampianaran̈a Baiboly.
Aleva Tahaka Paoly
3. Atsika mila von̈ono hitsidiky olo amy fotoan̈a mety aminany. Iritrireta hely: ‘Ombian̈a ndreky aia tiany hikoran̈ana aminany?’ Mivon̈osa fo hitsidiky izy, nata tsy mifan̈araka aminy andra fiboahanao fotoan̈a amezany.
4. An̈ontania fo ombian̈a koa anaro manohy koran̈a. Isaka vita koran̈anaro, aza adin̈a man̈ano fotoan̈a voafaritry tsara hikoran̈anaro amy man̈araka. Hajà tsarabe fo fotoan̈anaro.
5. Manàn̈a fan̈antinan̈a fo. Izikoa olo io matetiky tsy takatra antran̈o na tsy afaka mikoran̈a fotony izy maro asa, aza mieritreritry fa izy efa tsy nahefa eky. (1 Kor. 13:4, 7) Impodipodiana fo izy, fa ampiasà tsara fo koa fotoan̈anao hizahan̈a olo hafa.—1 Kor. 9:26.