Asa Tsaroanao?

Asa nivakinao tsarabe Tilikambo Fiambesan̈a tamy taon̈o ty? Izikoa zen̈y, zahava asa hainao valin’ny fan̈ontanian̈a aby ty:

Ino ma mandrisiky atsika han̈amia voninahitry Jehovah?

Man̈amia voninahitry Jehovah atsika fôtony ten̈a man̈aja izy ndreky ten̈a tia izy. Man̈amia voninahitry Jehovah koa atsika fôtony tiantsika olo hahay izy.​—w25.01, p. 3.

Izikoa misy olo man̈ano raha mampameloko atsika, akôry ataontsika baka ho tia mamela heloko fo?

Marin̈y ndraiky fa tsy ataontsika sary tsy hay fihetseham-pôntsika. Fa izikoa atsika tsy mitana heloko am-pô, raha zen̈y miaro fôntsika baka tsy ho meloko lava.​—w25.02, p. 15-16.

Nan̈ino ma Marka ohatra tsara alain’ny rahalahy tanora tahaka?

Marka nanan̈a toe-tsain̈y vôn̈ono hanompo. Ndray efa navy nisy raha nampalahelo ndreky nandiso fan̈antinan̈a izy, izy tsy nan̈etraka. Izy nifen̈y ho tsara fifandraisan̈a tamy Paoly ndreky tamin’olo hafa matotro.​—w25.04, p. 27.

Ino raha tian’i Jesosy havian̈a tamin’izy nivolan̈a: “Efa nataoko haindrô an̈aran̈anao”? (Jaona 17:26)

Mpianatranany aby io efa nahay an̈aran̈an’ny Zan̈ahary. Fa Jesosy nan̈ampy irô hahay tsarabe raha momba Jehovah, an̈isan’izen̈y fikasan̈anany, raha nataony ndreky mbala hataony, aviô toetrinany.​—w25.05, p. 20-21.

Izikoa atsika manetry ten̈a, ino raha ikentsika?

Ikentsika fa misy raha sasany tsy haintsika. Ohatra, tsy haintsika ombian̈a farany io ho avy, aviô ino ma raha mety hataon’i Jehovah amy zen̈y. Tsy haintsika koa ino raha handalo amin’ny amaray ndreky karakôry tsarabe fahaizan’i Jehovah atsika.​—w25.06, p. 15-18.

Akôry tôkony hataontsika baka hahazo hatsaran̈a baka amy lahatsoratra araiky na kabaro natao nin’olo jiaby?

Tsara atsika man̈ontany ten̈a: ‘Ino porofo nampiasainy handrisian̈a lahatra olo? Ino fan̈oharan̈a tsara nampiasainy ke mety hampiasaiko lera zaho mampianatra? Azôvy mety ho lian̈a amy foto-kevitry ty?’​—w25.07, p. 19.

Ino raha ianarantsika momba familan-kelokon’i Jehovah, izikoa fomba nitondrasany i Davida zahan̈a?

Davida nata nan̈ano fahotan̈a maventy, izy koa fa ten̈a nibebaka, Jehovah namela helokonany. (1 Mpanj. 9:4, 5) Zan̈ahary koa fa mamela helokon’olo, fahotan̈a nataony in̈y efa tsy konteny eky, aviô izin̈y efa tsy ampatsiarôviny eky afara an̈y.​—w25.08, p. 17.

Izikoa misy raha mbala tsy mazava amy mpianatra Baiboly, ino raha mety hataonao?

Izikoa fa misy raha mbala tsy mazava amy mpianatra Baiboly, kanefa anao efa nan̈ano erakan’ny efanao nan̈azava izio taminany, tohiza fo fianaran̈a, fa anarô mbala mety mimpody amizio afara an̈y.​—w25.09, p. 24.

Baiboly mivolan̈a fa fahotan̈a io “mahavita mamitaka.” (Heb. 3:13) Amy fomba akôry?

Fahotan̈a io mandrisiky atsika han̈ano raha ratsy. Izio koa mahavy atsika tsy vôly misalasala tsao atsika tsy ten̈a tian’ny Zan̈ahary.​—w25.10, p. 16.

Ino raha telo han̈ampy anao han̈ano vavaka baka amy fô tsarabe?

1) Miniminia irô toetrin’i Jehovah aby io. 2) Diniha ino problemo mahazo anao, aviô koràn̈a aminany. Diniha tsao misy olo tôkony hambelanao heloko. 3) Man̈anaova vavaka elaela, baka mahavita mikoran̈a tsarabe raha jiaby an̈atin’ny fônao an̈y.​—w25.10, p. 19-20.

Akôry mety han̈ampiantsika irô olo matoe aby io?

Atsika mety mamangy na mikaiky irô amy telefony. Atsika koa mety man̈atriky irô mandeha dokotera. Na atsika koa mety miaraka manompo amindrô amy karazan̈a fanompoan̈a mety ho vitandrô.​—w25.11, p. 6-7.

Ino aby raha tôkony hataon’ny Kristianin̈y baka han̈amia voninahitry Jehovah mariazinany?

Areha raha jiaby takin’ny fanjakan̈a. Ataova azo antoko fa ahitan̈a vokatran’ny fan̈ahin’ny Zan̈ahary fety atao amizio. Man̈anaova lamba mihaja, aviô mitandrema amy fomba tsy mifan̈araka amy soratra masin̈y. Mifampikoràn̈a tsara izikoa fa man̈oman̈a mariazy.​—w25.12, p. 21-24.