Deer ko Piin ni Yad Ma Bieg

Uw rogon u wan’ e pi Kristiano ni ngan fanay e pi birthstone?

U boch e yalen, e birthstone e kan puthuy ko fare pul nni gargeleg be’ riy. Nge ta’ e Kristiano e luwow nga buguli pa’ ni bay bochi yang e pi malang nem riy e ra be’ ma ir e ba mil fan ngak ni ir nge dugliy. (Galatia 6:5) Ra ngad dugliyed ere n’em, ma ba’ boch ban’en nib ga’ fan ni ngan lemnag.

Encyclopaedia Britannica e yog ni fare birthstone e ba “mmit e malang nib tolang puluwon ni kan puthuy ko rofen nni gargeleg be’, faan yira tay nga dowey ma baga’ ni yima lemnag ni ra yibnag e taw’ath ara ra fel’ rogon fithik’ i dowey.” Re n’ey ni be weliy e ki uneg ngay ni: “Gelngin nib gel nib gelngin i kan e ke n’uw nap’an ni ma lemnag e pi astrologers ni ba’ u ba mit e pi malang nib tolang puluwon nem.”

Rib ga’ ni kakrom e boor e girdi’ ni i mich u wan’rad ni re birthstone nem e ma yibnag e taw’ath ngak e ani ke ta’ nga downgin. Ra mich u wan’ reb e tin riyul’ e Kristiano e re n’ey fa? Danga’, ya manang ni de fel’ u wan’ Jehovah e piin ni baaram ni kar paged ma yad be pagan’rad ko “fare got ko fel’ waathan.”​—Isaiah 65:11.

Nap’an e tin Lukngun e Duw, ma pi taman wol e ra mel’eged ni ra mmit e malang nib tolang puluwon ma fen reb e pul ko duw. U ra tayed yad ngak e girdi’ ni nga ur ted nga dowrad e malang nib tolang puluwon ni fan ko fare pul nni gargelegrad riy, ni aram e susun e nga i ayuweg faanem ni ke ta’ nga dow ko maadad. Machane ba kireb ko Bible ni piin ni Kristiano e ngar leked rogon ni be pow’iyey e piin ni maruwel rorad e yad ma yog e pi n’en bay fini yib, ni bochan ni be yog e Bible nib kireb e pi n’em.​—Deuteronomy 18:9-12.

Maku dabi puluw ni piin Kristiano e ngaur lemniged ba luwow ni ba thil ni baga’ fan ni bochan ni ba’ e birthstone riy. Pi Mich rok Jehovah e derma madenomnag e yu rofen nni gargelegey riy. Fan e re n’eney e pi madenom nem e yugu be gel rogon ni yibe sap ngak faanem ma kemus ni tin bay e madenom ko rofen nni gargelegey ni kan yoloy nga Bible e fan ngak e pi pilung ni der ma pigpig ngak Got.​—Genesis 40:20; Matthew 14:6-10.

Boch e girdi’ e ma lemnag ni yira yuy’ ba luwow nga buguli pa’ey ni ba’ e birthstone riy e bay gelngin nib fel’ nga pangin faanem. Machane, tin riyul’ e Kristiano e der ma mich u wan’rad e biney, ni bochan ni yad manang ni “bin biech i pangiy” e yira wun’ nga dakeney u tan gelngin e kan ni thothup rok Got.​—Efesus 4:22-24.

Reb e n’en ni rib ga’ fan e tapgin ban’en. Faan yira lemnag ko ngan ta’ e luwow ni ba’ e birthstone riy fa danga’, e be’ nib Kristiano e sana ra deeriy ir ko, ‘Gur gu ra adag ni nga gu ta’ e re luwow ney ni kemus ni bochan ni gu baadag yaan ere malang nib tolang puluwon nem, ni yugu aram rogon ni yibe yog ni ba birthstone? Fa ke dake ngeb gelngin ngog e lem ni ba superstition ni ke ta’ boch e girdi’ ko pi malang nib tolang puluwon nem?’

Be’ ni Kristiano e thingari skengnag gum’irchaen ni nge yog ni mudugil u wan’ tapgin e n’en be rin’. I yog e Bible ni gaar, “U fithik’ urngin ban’en ni ngan fal’eg i matangiy, ma gum’irchaem e ir e ngam fal’eg i matangiy ya ir tabolngin e yafas.” (Proverbs 4:23, NW) Ra nge dugliy be’ laniyan’ u murung’agen e birthstone, e ra reb e Kristiano ma ra fel’ ngak ni nge fal’eg i lemnag tapgin e n’en be rin’ nge gomanga angin e n’en ni ke mel’eg ni ra yib ngak nge ku boch e girdi’.​—Roma 14:13.