PI DEER NI BAY E FULWEG RIY U BIBLE
Mang e ra rin’ Jesus boch nga m’on?
Nap’an e duw ni 33 C.E., me yim’ Jesus, miki fas ko yam’, me yan nga tharmiy. Boch nga tomuren, min pi’ mat’awun ni nge mang Pilung. (Daniel 7:13, 14) Ra boch nga m’on, ma ra maruwel Jesus nga mat’awun ni ir e Pilung ni nge fek e gapas nga fayleng me chuweg e girdi’ ko gafgow.—Mu beeg e Psalm 72:7, 8, 13.
Bochan nib Pilung Jesus ma ra chuweg gubin ban’en nib kireb ko re fayleng ney
Boor ban’en nib manigil nra rin’ Jesus ni ir e Pilung. Ra fanay gelngin ni ke pi’ e Chitamangin ngak ni nge ayuweg e girdi’ ni ngkur flontgad bayay. Ra par e girdi’ u fayleng ni yad ba felfelan’ ndab kur pilibthirgad ma dab kur m’ad.—Mu beeg e John 5:26-29; 1 Korinth 15:25, 26.
Mang e be rin’ Jesus e chiney?
Be pow’iy Jesus fare maruwel ni machib ni be tay e tin riyul’ i gachalpen u ga’ngin yang e fayleng. Yad ma yan ra guyed e girdi’ ni ngar daged ngorad e n’en ni be weliy e Bible u murung’agen Gil’ilungun Got. I yog Jesus nra ayuweg e re maruwel ney nge mada’ ko ngiyal’ ni ke thang Gil’ilungun Got e pi am ko girdi’.—Mu beeg e Matthew 24:14; 28:19, 20.
Be pow’iy Jesus e girdi’ u daken e ulung ko tin riyul’ e Kristiano ni ngar thilyeged e par rorad nge manigil. Ra ulul i pow’iyrad nga lan e bin nib beech e fayleng ni ke micheg Got u tomuren ni kan thang e re m’ag nib kireb ney.—Mu beeg e 2 Peter 3:7, 13; Revelation 7:17.