Boch Ban’en ni Yira Thilyeg ko Fare Wulyang Ntagil’ E Damit!

¹ In e pul kafram ma kan pi’ e announcement nib fel’ ngak e pi ulung: Ra tabab ko January 2008, ma yira fl’eg l’agruw mit e The Watchtower magazine ni thin nu Meriken u ra reb e pul, yira fl’eg reb e magazine ni fan e ngan wereg ngak e girdi’ ma reb ni fan ko pi walag ni Kristiano! Sana ka mu lemnag: ‘Uw rogon ni ba thil fagali magazine? Uw rogon nra fel’ rogodad ko fa gali babyor? Bay ban’en nib biech riy ni gad ra guy fa?’

² Tin nib Thil Riy: Fa bin som’on e magazine ko ra reb e pul e yira yog e Public Edition ngay. Yira fl’eg urngin e thin riy ni fan ko girdi’ ni yoor. Yira yog e Study Edition ko fare magazine ni 15 e date riy ma dab ni wereg ngak e girdi’ u mit e tabinaw. Yira tay urngin e thin ni yira fil u nap’an e pul ni ba m’ag ko pi Kristiano ni kar ognaged yad ku Got. Gathi goo Pi Mich Rok Jehovah e ra adag The Watchtower ni Public Edition machane ku ra pug e tafinay rok e girdi’ ni gathi yad e Pi Mich ma ba fel’ e Bible u wan’rad. Ka yira fl’eg fare Awake! ni fan ko girdi’ ni yoor, nib muun ngay e piin nde mich Got u wan’rad, nge piin ni ma un ko galesiya ni gathi yad e Kristiano.

³ Tin ni Ra Fel’ Rogoy Riy: U lan e Study Edition ma daki t’uf ni ngan weliy fan e thin ni “pioneer” ngak e girdi’ ni gathi yad e Pi Mich. Maku bay e thin riy ni kan fl’eg ni fan ko Pi Mich Rok Jehovah nge piin ni yad be fil e Bible ma yad be mon’og iyan ko tirok Got ban’en. Ma uw rogon e Public Edition? Bochan e yira fl’eg e thin ni fan ko girdi’ ni yoor, ma susun ni nge falfalan’ e piin ni gathi yad e Pi Mich ni ngar bieged e thin u lan e magazine. Dabi siy ni gubin e Pi Mich Rok Jehovah e ra fel’ rogorad ni ngar bieged reb e magazine nge reb.

⁴ Tin Biech Riy: Kan dugliy ni yira tay ban’en nib biech nga lan e The Watchtower ni Public Edition. Reb i ban’en e yira skulnag e Thin nu Bible u rogon nib mom. Ma yugu reb i ban’en e yira dag rogon nrayog ni nge ayuweg e thin ko Bible e pi tabinaw. Yira fl’eg boch ban’en riy ni fan ko bitir. Ra reb e magazine e ra tamilangnag boch e thin nu Bible ma ra skulnagdad u murung’agen Jehovah nge rarogon.

⁵ Kan yarmiy ban’en ni ra thil ko fare The Watchtower u Micronesia i yan. Ra tabab ko January 2008, ma pi thin u lan e magazine ni thin nu Chuuk, Kosrae, Belau, Pohnpei, nge Waab e ra taareb rogon e thin ko Watchtower nthin nu Meriken. Gad ra fil e thin u lan e Watchtower ni taab e thin ni yibe fil u fayleng i yan.

⁶ Gamad be yibilay ku Jehovah ni nge flaabnag e re yaram ney nib biech ko The Watchtower. Ere nguuda wereged e re magazine ney nge fare Awake! ngak e piin ni bay rogorad nge taw e thin nib fel’ ngorad.​—Matt. 10:11.