Reb e Article nib Beech Nra M’ug ko Fare Wulyang ko Damit ni Gubin e Pul

Nap’an e bin som’on e Sabado u gubin e pul, ma gad ma fanay fare article ko fare Wulyang ko Damit ni “Mu Fil Ban’en ko Thin Rok Got” u nap’an ni ngad tababnaged e fol e Bible ngak e girdi’. Ra tabab ko January, ma yira tay reb e article nga lon ni “Pi Deer Ni Bay E Fulweg Riy U Bible” nra m’ug u wuru’ fare magazine. Rayog ni ngad fanayed fare article ni “Pi Deer Ni Bay E Fulweg Riy U Bible” ko machib ni bod rogon e n’en ni gad ma rin’ ko fare article ni “Mu Fil Ban’en ko Thin Rok Got.” (km 3/12 p. 3) Fare babyor rodad ni Machib ko Gil’ilungun e ka bay boch e thin riy nrayog ni nga nog u nap’an e machib ma rayog ni ngad fanayed ko bin som’on e Sabado u gubin e pul.