Ga Be Fanay Nrib Fel’ Rogon, Fa?

¹ Pi article ni yima fl’eg ni ngad fanayed ko machib e bay ko fa binem e Wulyang Ntgail’ E Damit ni yima wereg ko girdi’ ni yoor u gubin e pul nthin ni Meriken. Bay boch e pi article ney ni kan mel’eg ni fan ko Wulyang Ntagil’ E Damit ni yima wereg u Micronesia. Kam pirieg boch e kanawo’ ni ngam fanay e pi n’ey riy nib fel’ rogon u nap’an e machib?

² “N’en Ni Gad Ra Fil Rok Jesus”: Sana kam pirieg nib mom ni ngan tababnag e Bible study u daken e biney e article. Faanra dawor mu fanay bayay mag gay rogon ngam beeg kenggin fare article ngak e householder rom mag tamilangnag e n’en ni yog Jesus u murung’agen fare n’em nrogon ni bay ko bin som’on e paragraph. Faanra ga be guy ma baadag e machib mag guy rogon ni ngam ululgow ko n’en ni kam weliyew u daken e pi subheading ni bay riy ni bay boch e deer riy nra pug e tafinay ku be’. Ma gog ngak ni nge yog e n’en ni be lemnag ko fare deer. Ma faanra bay e sasing riy, mag weliy buchuuw u murung’agen ngak u m’on ni ngam marow ko bin migid e paragraph. Rayog ni ngam filew balay fare article ko yay nsom’on ni kam machibgow mi gimew fil e gin ni ka bay riy ko yay ni migid ni kam sul ngak. Mu fal’eg rogom ni ngam tababnagew e fol Bible ko fare Babyor ni Mang e Ba T’uf.

³ “Rogon ni Ngeb e Felfelan’ e Nga Lan e Tabinaw”: Biney e kan fl’eg ni nge ayuweg e piin figirngiy nge piin leengiy nge piin gallabthir ni ngar nanged rogon ni ngar folgad ko pi kenggin e motochiyel u Bible u nap’an nra sum e magawon u lan e tabinaw. Ku rayog ni ngam fanay e pi article ney ni nge ayuweg e piin ni gathi yad e Pi Mich Rok Jehovah nge tamilang e gonop nu Bible u wan’rad.​—2 Timothy 3:16, 17.

⁴ Boch Ban’en ni Fan ko Piin Fel’ Yangaren: Fare article riy ni kenggin e “Fan Ngak e Piin Bitir” e bay e outline riy nrayog ni ngan fanay ngan gay murung’agen reb e thin ko Bible. Rayog ni ngam fanay e re article ney ni ngam ayuweg e piin fel’ yangaren ngay ni kam mada’nag u nap’an e machib nge yog nra guyed fel’ngin ni ngan fil e Thin Rok Got. (Ps. 119:9, 105) Faanra gabe machibnag reb e gallabthir ma rayog ni ngam tamilangnag fare thin ni “Mu Skulnag e Bitir Romed.” Pi article ney e ra ayuweg e piin bitir ngar filed ban’en rok e girdi’ u lan e Bible. Kam gay rogon ni ngam fil e pi thin ney ko bitir rom, fa?

⁵ Yugu Boch Ban’en: “N’en Ma Fith e Piin Ma Beeg” e bay reb e deer riy nrayog ni nge fith be’ ni gathi ir reb e Pi Mich Rok Jehovah. Rayog ni ngam tamilangnag e re article ney u nap’an ni gad be wereg e magazine u mit e tabinaw iyan. Fare thin ni “Babyor ni Yib Rok . . .” e bay boch e thin riy ni keb rok be’ u murung’agen e magawon ni ma yib ngak e pi missionary nge boch e girdi’ u nap’an e machib. Pi article ney e rayog ni nge ayuweg e piin ni baadag e machib nge tamilang u wan’rad ni yibe machibnag fare thin nib fel’ u ga’ngin e fayleng nrogon nib puluw ko fare yiiy u murung’agen e ngiyal’ ni bay Kristus riy.​—Matt. 24:3, 14.

⁶ Fare article ni “Mu Chuchugur Ngak Got,” e ba m’ag ko Bible reading ko Theocratic Ministry School, ma rayog ni nge ayuweg boch e girdi’ ngar adaged ni ngar filed murung’agen Jehovah. Fare article ni “Mu Folwok ko Michan’ Rorad” e kan ngongliy ni nge ayuweg e girdi’ ngar fal’eged i lemnag boch e thin nu Bible ni murung’agen boch e girdi’ kakrom​—mi yad susunnag rogon ni be buch fapi n’em ni bay riy.

⁷ Ri gad ba falfalan’ ni kan ngongliy e pi article ney u lan fare Wulyang Ntagil’ E Damit nrayog ni ngad fanay ko machib u mit e tabinaw iyan! Ere ngad athamgilgad ngad beeged e pi n’en ni bay u lan e pi magazine ney nge yog nda fanayed nib fel’ rogon u nap’an e machib.