Mu Lemnag ma Ga Tay Fan Fare Biyul
1, 2. Mang fan ni ngaud lemnaged fare biyul u fithik’ e tayfan?
1 Pi Kristiano u ga’ngin yang e fayleng e yad be fol ko n’en ni motochiyelnag Jesus, ere yad ra muulung u tomren ni ke aw e yal’ ko Sabado, March 22, 2008 ni ngar madnomnaged e yam’ ni tay Jesus Kristus. (Luke 22:19; 1 Kor. 11:23-26) Kan mithimtheg ni ngad rin’ed e re n’ey ya gad be tay fan e n’en ni kan rin’ ko rofen nem ni ke yan 1,975 e duw. I thothupnag Jesus fithingan e Chitamangin, me fulweg e moning ni i tay Satan ngak ko yul’yul’ rok ko yam’ ni tay u fithik’ e amith u daken baley i gek’iy.—Job 1:11; Prov. 27:11.
2 Rachaen Jesus ni map’ e ke micheg e bin nib beech e m’ag, ma ir e ke bing e kanawo’ ko girdi’ ndar flontgad ni ngar manged pi fak Got miki yog fare athap ngorad ni ngar uned ngak Kristus ko Gagiyeg u tharmiy. (Jer. 31:31-34; Mark 14:24) Ma, ki m’ug gelngin feni t’uf e girdi’ rok Got ma aram me pi’ Fak nrib t’uf rok ni maligach, ni bod rogon ni weliy Jesus ku Nikodemus.—John 3:16.
3. Mang angin nra yib ngak e piin nra un ko fare Puguran?
3 Ngan Pining e Girdi’: Fare babyor ni Machib Rodad Ni Fan Ko Gil’ilungun Got ko January e be yog riy ni ngad yoloyed nga but’ fithingan e girdi’ ni gad manang mad pininged yad. Kam tabab i pining e piin ni kam yoloy fithingrad nga but’, fa? Ga be fal’eg rogom ni ngam un ko re campaign nem ni yira tabab ngay ko March 1 ni ngan pining e girdi’ ngar uned ko Puguran? Piin ni yad ra un ngay e yad ra motoyil ko thin ko Bible nra ubung e michan’ rorad ko fare biyul, nra pow’iyey i yan ko yafos ni manemus.—Rom. 10:17.
4. Mang fan nsusun e ngad bad nib papey ko fare Puguran?
4 Piin nrayog rorad e susuna ngar bad nib papey ya nge yog nra pininged e magar ko piin nra yib. Bochan ni boor e piin ni yad ra yib mab ga’ fan ni ngad tedan’dad ko tin beech e girdi’ nge piin ni gathi ri yad ma un ko muulung.
5. Uw rogon ni ngam fal’eg rogom ni fan ko re madnom ney?
5 Ngam Fl’eg Rogom: Fare babyor ni Examining the Scriptures Daily—2008 nge fare Calendar ko 2008 e bay riy e schedule ko Bible reading ni fan ko Puguran ni yira tabab ngay ko March 17. Ga ra lemnag e pi n’en nib ga’ fan ni buch ko tin tomren e rran ni immoy Jesus u fayleng ma ra ayuwegem ni ngam fal’eg rogom ni fan ko fare madnom ko Puguran. (Ezra 7:10) Ga ra fal’eg i lemnag e pi thin ko Bible nem u fithik’ e meybil ma ra gel rogon ni ga be tay fan e t’ufeg rok Jehovah nge Fak ko fare biyul ni kar piew.—Ps. 143:5.
6. Mang angin nra yib ngodad ni faan gad ra tay fan fare biyul?
6 Manga yugu da fal’eged rogodad u nap’an ni be chugur i yib fare Puguran ma ku gad ayuweg boch e girdi’ ni ngkur fal’eged rogorad ni fan ko re madnom ney nib ga’ fan. Gad ra lemnag fare biyul u fithik’ e tay fan ma ra gelnag e tha’ u thildad Jehovah nge Fak. (2 Kor. 5:14, 15) Maku ra k’aringdad ni ngad folwokgad rorow ngad paged fadad u fithik’ e t’ufeg ni fan ngak boch e girdi’.—1 John 4:11.