Rogon ni Ngan Fl’eg e Welthin ni Fan ko Service Meeting
Kan thilyeg boch e schedule ko re ngi babyor ney ni Machib Ko Gil’ilungun ya nge mom ni ngan nang fan. Pi thin ni baaray e ra tamilangnag e n’en ni bay ko fare thin ni “Rogon ni Ngan Fl’eg Rogoy ko Service Meeting,” ni bay ko Machib Ko Gil’ilungun ko May 2009.
◼ Welthin: Re n’ey e reb e welthin ni ngan pi’ ndabi pi’ e girdi’ e fulweg riy. Fa en ni be pi’ e welthin e susun ni nge tamilangnag e n’en nra ayuweg e ulung.
◼ Deer nge Fulweg: Re welthin ney e bod rogon e fol Wulyang Ntagil’ E Damit ni yima weliy boch e thin ko som’on nge boch nga tomuren, ma yima fith e deer ko urngin e paragraph. Fa en ni be conductnag e susun ndabi weliy e thin ni boor. Rayog ni ngan beeg boch e thin nu Bible nrogon nib m’ag ko tayim. Dabni beeg e pi paragraph ni faanra dan nog ni ngan beeg.
◼ Ra Un e Girdi’ i Weliy Ban’en: Re welthin ney e ba muun ngay ni ngan fith boch e deer. Faen ni be welthin e bay e ngiyal’ ni ir e ra weliy ban’en, maku bay e ngiyal’ ni nge weliy e girdi’ u lan e ulung boch ban’en.
◼ Ngan Yan u Yaan Ban’en Min Fith Boch e Deer: Faanra ka nog ni ngan yan u yaan ban’en ara demonstration ma ke milfan ngak faen ni be pi’ e welthin ni nge yarmiy e re n’ey. Ra mel’eg e girdi’ nib salap mab fel’ e ngongol rorad, ma susun ni nge yarmiy in e rran u m’on riy. Dabni fanay e piin ni kafin ra uned ko machib ni nga ranod u yaan ban’en ni kemus ni bochan e ngar uned boch ko yan nga lang, machane rayog ni ngar manged householder. Pi publisher ni yad be yan u yaan ban’en e susun ni ngar sak’iygad ni yad be sap ko gin ni bay e girdi’ riy. Piin ni yibe fith boch e deer ngorad ara yibe interviewnagrad e susun ni nga ranod nga daken e stage ma gathi ngar pared ko chiya rorad. Susun ni ngan weliy e n’en ni yad ra rin’ ara n’en ni yad ra yog u m’on ni nga ranod nga daken e stage. Faanra ke buchuuw e tayim ni fan ko welthin rok be’ ma thingari dabi yoor ban’en ni nge weliy, ma dabi pag ni nge dabni pi’ e demostration ara interview. Pi ministerial servant e yad ra ning e ayuw ko coordinator ko piilal ara yugu reb e piilal u m’on ni ngar mel’eged ko mini’ e ra pi’ e demonstration rorad.
Faanra bay e welthin nib ga’ fan mab thil e n’en ni ka nog ni ngan rin’ riy, ma susun ni ngan fol riy nib fel’ rogon. Faan yira pi’ e welthin ko Service Meeting nrogon ni ka nog, ma aram e rayog ni nge yan e re muulung ney “nib fel’ rogon ma ba yaram.”—1 Kor. 14:40.