“Mu Pi’ Reb e Magazine ni Ke N’uw Nap’an ara Reb e Brochure ni Baadag e En ni Ga Be Machibnag”

Nap’an e pi pul ni gad be pi’ fare ke babyor ni Mang e Ri Be Fil e Bible, ma gad be fil e Bible ngak e girdi’, e faanra kan pi’ ba ken e babyor ngak be’ ma dabun ni nge fil e Bible, ma yibe pi’ e athamgil nga lanin’dad ni ngad ‘pied reb e magazine ni ke n’uw nap’an ara reb e brochure ni baadag e en ni gad be machibnag.’ Mang fan?

Pi brochure nge pi magazine ni ke n’uw nap’an e boor e thin riy nib m’ag ngodad e ngiyal’ ney. Bay boch ban’en ko pi babyor ney nrayog ni nge adag e piin ni gad be machibnagrad. Ere nap’an ni ga be fal’eg rogon e kabang rom, mag tay boch e brochure nge magazine ni ke n’uw nap’an ngay. Faanra dariy e magazine rom ni ke n’uw nap’an, ma sana rayog ni ngam fek boch ko gin ni yima tay e magazine riy u Kingdom Hall. Faanra bay be’ ni kan pi’ fare ke babyor ngak ni Mang e Ri Be Fil e Bible ma dabun ni nge fil e Bible, ma rayog ni ngam dag e pi babyor ney ngak nge fek ba ken riy ni baadag ni nge beeg. Mag yarmiy ni ngkum sul ngak mag guy rogon ni nge adag e machib, ya dabisiy nra munmun ma ra adag ni nge fil e Bible.