Boch Ban’en Nrayog ni Nga Nog

Rogon ni Ngan Tabab i Fil e Bible ngak Be’ ko Bin Som’on e Sabado ko Pul ni December

“Gamad be yan u roy e daba’ ni gamad be weliy boch ban’en nrayog ni nge ayuweg e tabinaw. Boor e gallabthir ni yad baadag ni nge t’uf Got rok pi fakrad. Ga be lemnag nrayog ni nge fil e piin gallabthir ko bitir rorad rogon ni ngar rin’ed e re n’ey, fa bitir e yad e ngar filed rorad rogon ni nge t’uf Got rorad?” Mmotoyil ko n’en nra yog. Mu pingeg fare Wulyang ko Damit ko December 1 nga barba’ mi gimew weliy e thin ni bay u tan e bin som’on e deer nge reb e thin nu Bible riy. Mu pi’ fare magazine ngak, ma gog ngak e rofen ni ga ra sul ni ngam weliyew e bin migid e deer riy.

Fare Wulyang ko Damit December 1

“Daba’ e gamad be yan u roy ni gamad be weliy murung’agen Got ko girdi’. Gamad manang ni yug ra be’ ma rogon ni ma lemnag Got. Ga be lemnag ni yooren e girdi’ e yad ma lemnag ni Got e kemus ni ir be’ ndabiyog ni ngan guy ma der ma lemnag e girdi’, fa yad ma lemnag ni ir be’ nrayog ni nge mang fager rodad ma ma lemnag rarogodad? [Mmotoyil ko n’en nra yog.] Re thin nu Bible ni baaray e be weliy e n’en ni baadag Got ni fan ngodad. [Mu beeg e James 4:8a.] Re ke babyor ney e be weliy dalip ban’en nrayog ni ngad rin’ed ma gad chugur ngak Got.”