Deer

◼ Mingiyal’ e ba puluw ni nge tal e fol Bible ni gad be tay ngak be’?

Faanra ga be guy nder mon’og faen ni ga be fil e Bible ngak, ma sana ba t’uf ni ngam weliy ngak nib fel’ rogon ni ngam talgow ko fol Bible. (Matt. 10:11) Bfel’ ni ngam lemnag boch ban’en ni bod e: Ma sonnagem ni faanra manang ni gimew ra fil e Bible u taabang, fa? Ma fal’eg rogon u m’on riy, fa? Bay ba ngiyal’ ni ke un nga reb e muulung, fa? Ke weliy ngak yugu boch e girdi’ e pi n’en ni be fil, fa? Ke thilyeg boch ban’en ko yafos rok ni be fol ko pi kenggin e motochiyel u Bible, fa? Machane, thingar mu lemnag rarogon facha’ nge yangaren, ma dab mu pagtalin nra be’ ma rogon ni ma mon’og ko tirok Got ban’en. Ma faanra kam weliyew ni ngam talgow ko fol Bible, mab fel’ ni ngam tamilangnag ngak ni ku rayog ni ngki ulul ko fol Bible ko ngiyal’ ni baadag.​—1 Tim. 2:4.