Mingiyal’ e Rayog ni Nggu Un ko Pioneer ni Ayuw?

Fare tempel nni pilyeg e changar rok Ezekiel ni nge guy e be tamilangnag nra ognag e girdi’ rok Jehovah e maligach rorad ngak. Ere uw rogon nrayog ni ngad pininged e sorok ngak Got?​—Heb 13:15, 16.

Reb e kanawo’ nrib manigil ni ngad rin’ed e re n’ey riy e ngad uned ko pioneer ni ayuw. Nap’an e September ko duw ni 2017 nge mada’ ko August ko duw ni 2018, ma bay boch e pul riy ni bay lal e Sabado ara Madnom riy. Re n’ey e ban’en nrib fel’ ni faanra gur be’ ni ga ma maruwel u polo’ e tayim rom mab ga’ ni ga mu un ko machib ko Sabado ara Madnom. Maku reb e, ku rayog ko pi walag ni ngar uned ko pioneer ni ayuw ni aram e ngar thognaged 30 ara 50 e awa u nap’an fa gal pul ni March nge April nge u nap’an nra yib faen ni ma lekag e ulung.

Machane uw rogon ni faanra dabiyog ni ngad uned ko pioneer ni ayuw ni bochan rarogodad? Ku rayog ni ngad gayed rogon ni ngad mon’oggad u rogon e machib ni gad ma tay, ara ngad yoornaged e tayim ni gad ma un ko machib. Ere demtrug rarogodad, machane bochan e t’ufeg rodad ngak Jehovah, ma re n’ey e ra k’aringdad ni ngad pied e tin nth’abi fel’ rodad ngak u nap’an e September ko duw ni 2017 nge mada’ ko August ko duw ni 2018!​—Ho 14:2.

NGAN YALIY FARE VIDEO NI KENGGIN E WITH JEHOVAH, I CAN DO ALMOST ANYTHING, NGEMU’ MIN PI E FULWEG KO PI DEER NI BAARAY:

• Mang e ke k’aring Sabina ni ngki yoornag boch e tin ni nge rin’ ni fan ko pigpig rok ngak Jehovah?

• Uw rogon nrayog ni nge yib e athamgil nga lanin’um ni bochan e n’en ni ke rin’ Sabina?

• Bin ngan e pul u nap’an e September ko duw ni 2017 nge mada’ ko August ko duw ni 2018 e rayog ni ngam un ko pioneer ni ayuw riy?