Boch Ban’en Nrayog ni Nga Nog

●○○ YAY NSOM’ON NI KAN MADA’NAG BE’

Deer: Kab puluw e Bible ngodad e ngiyal’ ney, fa?

Thin nu Bible: 2Ti 3:16

Deer Nrayog ni Ngan Weliy e Fulweg Riy ko Yay ni Migid: Mang e be weliy e Bible murung’agen?

○●○YAY NSOM’ON NI KAN SUL NI NGAN GUY BE’

Deer: Mang e be weliy e Bible murung’agen?

Thin nu Bible: Mt 6:10

Deer Nrayog ni Ngan Weliy e Fulweg Riy ko Yay ni Migid: Mang e ra rin’ Gil’ilungun Got?

○○●YAY NI L’AGRUW NI KAN SUL NI NGAN GUY BE’

Deer: Mang e ra rin’ Gil’ilungun Got?

Thin nu Bible: Da 2:44

Deer Nrayog ni Ngan Weliy e Fulweg Riy ko Yay ni Migid: Ra uw rogon e fayleng u nap’an nra gagiyeg Gil’ilungun Got?

Nap’an nra tabab e re pul ney, ma dab kun fanay fa dalip i kanawo’ u rogon ni ngan pi’ e babyor u nap’an fare muulung ni gad ma tay u lan e wik. Ya u lan fare article ni boch ban’en nrayog ni nga nog ni bay ko babyor fare rodad ni Pi N’en ni Ma Rin’ e Piin Kristiano nge Machib ni Yad Ma Tay e kan tay riy reb deer ni ngan fith ngak be’, nge reb e thin nu Bible ni ngan beeg, nge reb e deer ni ngan fith ngak ni yira weliy e fulweg riy ko yay ni migid ni kan sul ni ngan guy. Ra reb e wik ma kemus ni taareb e video ni yira pag. Re reb e walag ma ir e nge dugliy ko mang babyor u fithik’ e pi n’en ni gad ma fanay ko machib e nge fanay, nge ngiyal’ nra pi’ e re babyor ney riy. Rayog ni nge mel’eg ko nge pi’ u nap’an e yay nsom’on ni ke mada’nag be’ ara nap’an ni ke sul ni nge guy be’. Maku reb e, re babyor ney e ku bay riy boch ban’en nrayog ni nga nog u nap’an ni yira sul ni ngan guy be’. Ireray reb e kanawo’ nra ayuwegdad ni ngad tiyan’dad ko n’en ni gad be nameg ni ngad filed e tin riyul’ ngak e “piin ni ke mel’egrad Got ni nge yog e yafos ndariy n’umngin nap’an ngorad.”—Ac 13:48.

Rogon ni Ngan Pi’ e Welthin u Nap’an e Muulung: Faanra dariy ban’en ni ka nog ngak be’ ni nge rin’ u nap’an ni bay e welthin rok, ma susun e nge fol ko kanawo’ ni bay ko fare article ni kenggin e boch ban’en nrayog ni nga nog.