Rogon ni Ngan Fanay e Pi N’en Nrayog ni Nga Nog u Nap’an e Machib

Ba gel e maruwel ni yima tay ni ngan fal’eg rogon boch ban’en nrayog ni nga nog u nap’an e machib, ma boor e tamachib ni kar guyed ni be yib angin e pi n’ey ko gin yad ma machib riy. Machane bochan nra reb e nam ma rogon, ma aram e ba puf mat’awun e pi tamachib ni ngar thilyeged rogon ni ngar machibnaged e girdi’, ara n’en ngar weliyed u nap’an e machib ya nge puluw ko n’en baadag e girdi’ ko gin yad be machib riy. Machane urngin e girdi’ nsusun e ngar folgad ko n’en ka nog ni ngan rin’ u nap’an e special campaign. Gad be nameg ni ngad lebguyed e n’en ni tay Jesus chilen ni ngad rin’ed ni aram e ngad machibnaged fare thin nib fel’ ni murung’agen Gil’ilungun Got.​—Mt 24:14.

Nap’an ni be ngongliy reb e tamachib e welthin rok, ma susun e nge weliy e n’en bay ko fare thin ni boch ban’en nrayog ni nga nog ni bay ko fare ke babyor ni Tin Gad Ma Rin’ nge Machib ni Gad Ma Tay. Machane faanra dariy ban’en ni ka nog riy, ma rayog ni nge thilyeg e deer, ara thin nu Bible, ara n’en ni nge weliy ko yay ni migid, ara rogon ni nge weliy ya nge puluw nga rarogon e gin be machib riy. Re n’ey e ke thilyeg e n’en nnog ni ngan rin’ ko page 8 ko fare babyor ni fan ko muulung ko June 2020.