PI N’EN NRAYOG NI NGAM RIN’ U NAP’AN E MACHIB
Ngad Mon’oggad ko Machib—Ngam Fal’eg Rogon e Pi N’en Nrayog ni Nga Mog
FAN NIB GA’ FAN: Yugu aram rogon ni bay boch e kanawo’ u rogon ni ngan wereg e pi babyor rodad u lan fare babyor ni fan ko muulung, machane pi n’ey e kemus ni yugu boch e kanawo’ u rogon ni ngan rin’. Nap’an ni ga ra pi’ reb e babyor mab t’uf ni ngam weliy nthin rom. Rayog ni ngam pi’ reb e babyor ni ga be fanay yugu reb e kanawo’ nib thil ara rayog ni ngam mel’eg yugu reb e ban’en nib thil ni ngam weliy ni ga be lemnag nra adag e girdi’ ko binaw rom ni ngkur nanged murung’agen. Tomuren ni kam beeg fare babyor ni ir e kam lemnag ni ngam pi’, ma kum guy e pi kanawo’ u rogon ni ngan wereg, nge video riy, ma rayog ni ngam lemnag e birom e kanawo’ u rogon ni ngam pi’ fare babyor.
ROGON NI NGAN RIN’:
Mu fithem ni nge lungum, ‘Gur, gu baadag ni nggu fanay reb ko fa gal kanawo’ u rogon ni ngan pi’ fare babyor riy?’
ARROGON
Mu lemnag e n’en ni nga mog ko som’on. U tomuren ni kam mada’gow be’ ma gog ko gur mini’ ma gog ngak fan ni kam man nga tabinaw rok. (Bod ni: “Ku gub ni bochan e . . . ”)
Mu lemnag rogon ni ngam fith reb e deer nge thin nu Bible ni ir e ga ra beeg nge rogon ni ga ra pi’ reb e babyor. (Bod ni: U m’on ni ngan beeg reb e thin nu Bible, ma rayog ni nge lungum: “Rayog ni ngan pirieg e fulweg ko re deer nir ko re thin nu Bible ney.”)
DANGA’
Mmel’eg reb e ban’en ni bay ko fare babyor ni ga baadag maku ra adag e girdi’ ni ga ra machibnagrad
Mmel’eg reb e deer ni ngam fith nrayog ni nge ayuweg faen ni kam nonow ni nge fal’eg i lemnag murung’agen fare n’en ni ngam weliy. Ma dab mu fith ban’en ngak ni bochan e nge tamra’. (Bod ni: Fare deer ni bay ko page 2 ko fare ke babyor.)
Mmel’eg reb e thin nu Bible ni ngam beeg. (Faanra ga be piʼ ba ken e babyor ni kan ngongliy ni fan ko girdiʼ ni yoor ma rayog ni ngam mel’eg ko ngam beeg e thin nu Bible fa danga’, ni bochan nre babyor ney e kan fal’eg ni fan ngak e piin nde yoor ban’en ni yad manang ko thin nu Bible maku der pagan’rad ko pi teliw.)
Mu weliy ban’en ya nge yag ni nge nang facha’ rogon nra yib angin fare article ngak ni faanra ra beeg
DEMTRUG ROGON MA RAYOG NI
Ngan yoloy nga but’ reb e deer ni ir e yira fith u nap’an ni yira sul
Mu yoloy boch ban’en nga but’ nrayog ni nge ayuwegem ni nge dab mu pagtalin e n’en ni nga mog