Ngad Mon’oggad ko Machib—Ngad Fal’eged Rogon e N’en ni Gad Ra Yog Nsom’on
Fan nib Ga’ Fan: Faanra dabi adag be’ ni nge motoyil ko n’en nsom’on ni ka dogned ngak u nap’an ni kad mada’gad, ma rayog ni nge yog ngodad ndab kud nonad ma aram e dabiyog ni ngad machibnaged facha’. Ere, boor e walag ni yad ma tay ni tin som’on e thin ni yad ra yog ngak be’ e aram e n’en nth’abi ga’ fan. Yugu aram rogon ni kan tay e n’en ni nga dogned u nap’an e machib ko fare Machib ko Gil’ilungun nge fare ke babyor ni Reasoning, machane, gathi gubin ngiyal’ ni yima tay gubin ban’en ngay ni nga dogned ni bochan e rayog ni nge thilthil. Mus ni faanra kan tay urngin ban’en ngay ni nga dogned, machane rayog ni ngad thilyeged boch ban’en riy ara da lemnaged ban’en nib thil ni nga dogned. Ra yib angin e machib ni gad ma tay ni faan gad ra lemnag e n’en ni nga dogned u m’on riy ko bin ni nga yugu dogned e n’en ni keb ngan’dad u nap’an ni kad mada’naged be’.—Prov. 15:28.
Mu Gay Rogon ni Ngam Rin’ e Re N’ey u Lan e Re Pul Ney:
Ngam tay e tayim u nap’an e fol Bible ni tabinaw ni ngam fal’eg rogon e n’en ni nga mog ma ga yan u daken.
Nap’an ni ga be un ko machib, ma gog ko en ni gimew be machib u taabang e n’en ni kam lemnag ni nga mog. (Prov. 27:17) Faanra kam guy ndabi yib angin e n’en ni ga ra yog ma rayog ni ngam thilyeg.