Mus ngak Pi Walagem ni Ki Yim’ Jesus ni Fan Ngorad

Ke pi’ Jesus e yafos rok ni fan ngak e piin tadenen. (Ro 5:8) Ere dariy e maruwar riy, nrib ga’ fan e re n’em ni ke rin’ Jesus ni aram e ke pi’ e yafos rok ni fan ngodad ni bochan e gad ba t’uf rok. Yugu aram rogon ma bay yu ngiyal’ nib t’uf ni ngad pugeduran ngodad ni mus ngak pi walagdad ma ki yim’ Kristus ni fan ngorad. Ere uw rogon ni ngad daged e t’ufeg ni dag Kristus ngak e pi walagdad ndawor ra flontgad ni bod gadad? Ngad weliyed dalip e kanawo’ nrayog ni ngad rin’ed e re n’ey riy. Bin som’on e, rayog ni ngad guyed rogon ni ngkud m’aged fager ngak boch e walag nib thil e gin ni kar bad riy. (Ro 15:7; 2Ko 6:12, 13) Bin l’agruw e, rayog ni ngad kol ayuwgad ndab dogned ara da rin’ed ban’en nra kirebnag laniyan’ yugu boch e girdi’. (Ro 14:13-15) Ma bin dalip e, faanra ke rin’ be’ ban’en ngodad nib kireb ma aram e rayog ni ngad gurgad ngad n’aged fan u wan’dad e n’en ni ke rin’. (Lu 17:3, 4; 23:34) Faan gad ra athamgil ni ngad folwokgad rok Jesus u rogon ni gad be rin’ e pi n’ey, ma ra ulul Jehovah nga i tow’athnag e ulung rodad ni nge par u fithik’ e gapas nge taareban’.

NGAN YALIY FARE VIDEO NI KENGGIN E BECOME MORE BEAUTIFUL! NGEMU’ MIN WELIY E FULWEG KO PI DEER NI BAARAY:

• Uw rogon u wan’ Miki e ulung rok ko som’on?

• Mang e k’aring ni nge thil e lem rok?

• Uw rogon ni ke ayuweg Miki e n’en ni rin’ Jesus ni nge yal’uweg e lem rok? (Mr 14:38)

• Uw rogon nrayog ni nge ayuwegdad e fonow ni bay ko Proverbs 19:11 ni ngad sapgad nga fel’ngin pi walagdad?