Ga Ra Dag e Ngongol nib Fel’ nge Tayfan ma Ra Ayuweg e En Mabgol Rom ni Nge Adag e Tin Riyul’

Ngongol nib fel’ nra dag be’ nib pin e rayog ni nge ayuweg figirngin ni nge adag e tin riyul’. Machane, re n’ey e be yip’ fan nrayog ni nge mada’nag e magawon nra t’uf ni nge athamgil u fithik’ u lan boor e duw. (1Pe 2:21-23; 3:1, 2) Ere faanra ga be mada’nag e magawon, ma ngam guy rogon ni ngam gel ngay ni aram e gubin ngiyal’ ni ngam dag e ngongol nib fel’. (Ro 12:21) Sana dabi motoyil figirngim ko n’en ni ga ra weliy ngak u murung’agen Jehovah, machane rogon e ngongol nib fel’ ni ga be dag e rayog ni nge thilyeg e lem rok.

Mu guy rogon ni ngam nang laniyan’ e en mabgol rom u boch ban’en. (Fil 2:3, 4) Mu dag ni ga manang rogon laniyan’ mag dag e runguy ngak, mag rin’ e tin nib milfan ngom u lan e tabinaw. Mu tay e tayim ni ngam motoyil ngak nib fel’ rogon. (Jas 1:19) Mu gum’an’nagem u puluwon mag dag ngak nriyul’ nib t’uf rom. Mus ndabi dag e en mabgol rom e gol nge tayfan ngom, machane rayog ni ngam felfelan’ ni bochan e ga manang nib ga’ fan u wan’ Jehovah e yul’yul’ rom.​—1Pe 2:19, 20.

NGAN YALIY FARE VIDEO NI KENGGIN E JEHOVAH STRENGTHENS US TO CARRY OUR LOAD, NGEMU’ MIN PI’ E FULWEG KO PI DEER NI BAARAY:

• Uw rogon e yafos rok Grace Li u nap’an ni un ko mabgol ko som’on?

• Mang e ke ayuweg ni nge adag ni nge nang e tin riyul’ u Bible?

• Uw rogon ni ke athamgil Sister Li u nap’an ni mada’nag e magawon u tomuren ni un ko taufe?

• Mang e n’en ni yibilay Sister Li ni bay rogon ngak figirngin?

• Mang boch e tow’ath ni ke felfelan’ Sister Li ngay ni bochan e be athamgil ni nge dag e ngongol nib fel’ ma be tayfan e pumoon rok?