TIN MA RIN’ E PIIN KRISTIANO

Kam Fal’eg Rogom ni Fan ko Ngiyal’ Nra Buchuuw e Salpiy ko Nam, Fa?

Darud gingad u nap’an nra buch boch ban’en ni ma k’aring e pi nam u fayleng ni ngar magawongad ko salpiy. Mang fan? Ya gad be par u tungun e tin tomuren e rran, ma be yog e Bible ndabi l’agan’dad ko ‘pi n’en nde mudugil, ni aram e pi n’en ni ma fel’ rogoy riy.’ (1Ti 6:17; 2Ti 3:1) Mang e be fil e n’en ni rin’ Jehoshafat ni Pilung ngodad u rogon ni ngad fal’eged rogodad ni fan ko ngiyal’ nra buchuuw e salpiy ko nam?

Nap’an ni yib boch e nam ni ngar chamgad ko girdi’ rok Got, me pagan’ Jehoshafat ngak Jehovah. (2Kr 20:9-12) Ki fal’eg rogon fare nam nu Judah ni aram e ubung e yoror ko pi mach miki tay e salthaw u lan e pi mach i yan. (2Kr 17:1, 2, 12, 13) Ere ba fel’ ni nge pagan’dad ngak Jehovah mad fal’eged rogodad ni fan ko pi magawon ni gad ra mada’nag ni bod Jehoshafat.

UW ROGON NI NGAD FAL’EGED ROGODAD NI FAN KO NGIYAL’ NRA BUCHUUW E SALPIY KO NAM?

Mu fal’eg rogom ni fan ko tirok Got ban’en: Nge fel’ u wan’um e tin bay rom mi ri pagan’um nrayog rok Jehovah ni nge pi’ e tin nib t’uf rom u reb e rran ngu reb. (Mt 6:26; 1Ti 6:8) Mu dugliy u wan’um ndariy ba ngiyal’ ni ga ra tal ndab kum fol ko pi kenggin e motochiyel u Bible ni fan e ngam yognag e tin nib t’uf rom. (Ro 2:21) Mu lemnag rogon nrayog ni ngam ulul i beeg e Bible nge pi babyor rodad nib puluw e thin riy ko Bible ni faanra dariy e gamig ara Internet. Mmel’eg in ken e babyor ngam tay nga bang, ma faanra rayog mag downloadnag boch nga lan e tablet ara cell phone rom.

Mu fal’eg rogon boch ban’en nra t’uf rom: Mu buchuuwnag e malfith rom nge urngin e salpiy ni ga be n’ag nga boch ban’en u m’on ni nge buchuuw e salpiy ko nam. (Pr 22:7) Faanra rayog mag tay boch e ggan nge boch ban’en nga bang nib t’uf rom. Sana bay boch i gadad nra lemnag ni nge woldug ya nge yag ni nge ayuweg e salpiy rok.

NGAN YALIY FARE VIDEO NI ARE YOU PREPARED FOR A DISASTER? NGEMU’ MIN PI’ E FULWEG KO GAL DEER NEY:

Yaan bang ko fare video ni “Are You Prepared for a Disaster?” Bochi sasing nib achig ni be dag yaan ba ke Bible, nge ba kabang ni fan ko ngiyal’ nra buch ban’en nib tomgin, nge ba cell phone, nge girdien e dimow naun.

Mang e rayog ni ngad rin’ed ni be’ nge be’ ya nge yag nda fal’eged rogodad ni fan ko ngiyal’ ni ke buch ban’en ni kan gafgow riy?

Your answer

Yaan bang ko fare video ni “Are You Prepared for a Disaster?” Boch e walag ni pumoon ni yad be pi’ e ayuw ko gin nib t’uf e ayuw riy ni aram e yad be un i toy boch e naun ma yad be fek e chugum u lan ba karrow nib ga’ nga but’.

Uw rogon ni ngad fal’eged rogodad ya nge yag nda ayuweged yugu boch e girdi’?

Your answer