Mu Yal’uweg Lanin’um

Nap’an ni gad be fil e Bible, ma gad baadag ni nge taw e lem rok Jehovah nga gum’ircha’dad ara fithik’ i lanin’dad. Ba manigil e kanawo’ ni dag Ezra nrayog ni ngan folwok riy u nap’an ni “yal’uweg laniyan’ ya nge yag ni fil urngin fapi Motochiyel rok Jehovah.” (Ezra 7:​10, NW) Uw rogon nrayog ni ngad folwokgad rok?

Mmeybil. U m’on ni ngam tabab ko fol Bible mag meybil. Mog ngak Jehovah ni nge ayuwegem ni ngam nang fan e n’en ga be fil mag fol riy.​—Ps. 119:​18, 34.

Mu sobut’nag e lem rom. Ma mithag Got e tin riyul’ ko piin nib tolangan’rad ma yad ma taga’ ko llowan’ rorad. (Luke 10:21) Dab um gay murung’agen boch ban’en ni bochan e ga be guy rogon ni nge yog e girdi’ ni boor ban’en ni ga manang. Faanra de puluw e lem rom ko lem rok Got, mag sobut’nag lanin’um ngam thilyeg.

Mmotoyil nga reb e tang rodad. Musik e rayog ni nge rin’ ban’en nga rogon e lem ni gad ma tay. Ere faan gad ra motoyil nga reb e tang rodad u m’on ni ngad filed e Bible, ma rayog ni nge ayuwegdad ni ngad lemnaged Jehovah ya nge yag ni taw e pi n’en gad be fil nga gum’ircha’dad.