Tang 55 (133)

Ngan Wereg Awochngin Gil’ilungun Got

(Matthew 13:​4-8, 19-23)

1. Mired gimed e pi tapigpig rok Got,

Kam ognaged gimed ngak Got.

Ngam uned ko fare maruwel ni ke pi’;

Ngam folgad ko Masta romed.

Ngan wereg awochngin e thin riyul’ rok Got

U daken e but’ nib yang’ol.

Ra yib wom’engin ni ra n’uf Got nfaan

Mu rin’ed e maruwel romed.

2. Ra mul boch e awoch u charen e wo’

Ra kay e arche’ rok Satan,

Ma boch e ra mul nga daken e malang,

Me yik’ ko gawelngin e yal’.

Chogow nge maga’fan e bod e rachngal

Nra kireb e tin nfini k’uf.

Ma boch e awoch e ri ra mul nga daken

E but’ nib machalbog mab fel’.

3. Oren e awoch rom nra aw ko yang’ol

Ma tor ko athamagil rom.

K’adan’ nge t’ufeg e ra ayuwegem

Me gelnagem ko togopluw.

Me siy e rachangal ma ga par ni gab od,

Ngam par nib gel mab sumunguy.

Aram e rayog ni ngan t’ar wom’engin

Boch e guyey ma boch e raay.