LIBRARY U ONLINE ni fan ko Wulyang ko Damit
Wulyang ko Damit
LIBRARY U ONLINE
Waab
  • BIBLE
  • PI BABYOR
  • PI MUULUNG
  • w99 11/1 pp. 26-31
  • Fare Ulung Rok Kristus–Ban’en Nra Gelnagdad

Dariy e video ko n'en ni kam mel'eg.

Wenig ngom, dabiyog ni nge load e re video ney.

  • Fare Ulung Rok Kristus–Ban’en Nra Gelnagdad
  • Fare Wulyang Ntagil’ E Damit Ni Be Weliy Morngaagen Gil’ilungun Jehovah—1999
  • Pi Subheading
  • Boch Ban'en ni Ku Taareb Rogon Ngay
  • Ayuw
  • Ayuw ni Ma Pi’ e Piin Piilal u Fithik’ e T’ufeg
  • Bin Riyul’ e Ayuw ko Ngiyal’ nib Puluw
  • Nge Be’ Me Pi’ E Athamgil Ku Be’
    Fare Wulyang Ntagil’ E Damit Ni Be Weliy Morngaagen Gil’ilungun Jehovah—2004
  • Ngan Gelnag e Ulung
    Fare Wulyang Ntagil’ E Damit Ni Be Weliy Morngaagen Gil’ilungun Jehovah—2007
  • Nge Pining e Ulung e Sorok Ngak Jehovah
    Fare Wulyang Ntagil’ E Damit Ni Be Weliy Morngaagen Gil’ilungun Jehovah—2007
  • Ba Ga’ Fam u Lan e Ulung rok Jehovah!
    Fare Wulyang ko Damit Ni Be Weliy Morngaagen Gil’ilungun Jehovah (Ken ni Ngan Fil)—2020
Kum Guy Boch Ban'en
Fare Wulyang Ntagil’ E Damit Ni Be Weliy Morngaagen Gil’ilungun Jehovah—1999
w99 11/1 pp. 26-31

Fare Ulung Rok Kristus​–Ban’en Nra Gelnagdad

POPI fithingan reb e ppin ni 20 e duw rok, ni ke kankanan’ ni bochan e magawon u tabinaw rok ni dariy e numon nib fel’ u thilrad e gallabthir rok.a Ke weliy e pi n’en ni be magawonnag laniyan’ ngak reb e piilal ko Kristiano nge ppin rok, ma aram me yoloy ngorow ni gaar: “Kari magargow ni kam parew boch rog kad nonod. Dam nangew ko uw fene fel’ lanin’ug ni bochan e gimew be ayuwegneg. Gu ma pining e magar ku Jehovah ya ke pi’ e girdi’ ni rayog ni nggu pagan’ug ngorad ma nggu non ngorad nib puf rogon.”

Toula, e reb e ppin ni kem’ figirngin ma bay l’agruw e bitir rok ni fel’ yangarow, ma ke magawon ko salpiy miki magawon laniyan’. Gubin ngiyal’ ma ke yib ba wu’ i mabgol ni Kristiano ngar guyew yad. Ma tomren ni ke gel ko magawon rok, me yoloy e re ppin nem e babyor ngorow ni be gaar: “Gubin ngiyal’ ma gu be yibilaymew. Ya ka gu manang urngin ngiyal’ ni kam ayuwegnew gag.”

Yu ngiyal’ ma ke “tomal lanin’um” ni bochan e pi n’en ko fayleng ni be diliiy lanin’dad fa? (Matthew 11:28) Ke kireban’um ni bochan e “yu ngiyal’ nge boch ban’en ndan nang” e ke buch ngom fa? (Eklesiastes 9:11, NW) Ma gathi goo gur ni aram rogon. Bokum biyu’ e girdi’ ni ke m’ingan’rad e kar pirieged e ayuw u lan e ulung ko Kristiano ko Pi Mich Rok Jehovah ma ku rayog rom. Nap’an e bin som’on e chibog C.E., me pirieg apostal Paul ni boch e girdi’ ko ulung e “ri baga’ e ayuw” ni kar pied ngak. (Kose 4:10, 11) Ku aram rogon nrayog ni ngan ayuwegnem.

Ayuw

Fare bugithin ni “ulung” e kan piliyeg ko fare bugithin ni Greek ni ek·kle·siʹa u lan e Bin ni Greek e M’ag ko Bible ma be sor fan ko ba ulung e girdi’ ni kan piningrad ngar muulunggad u taabang. Ma ku be sor fan ko girdi’ ni ke taareb lanin’rad ma yad be ayuwegrad.

Fare ulung ko Kristiano e ma tay fan e tin riyul’ ko Thin Rok Got ma yad ma weliy fare thin nib fel’ ko Gil’ilungun Got. (1 Timothy 3:15; 1 Peter 2:9) Ku ma pi’ e ulung e ayuw ko girdi’ ni be un ngorad. U lan e ulung ma bay e girdi’ ni yad e fager ma yad ma lemnagrad ma yad ma t’ufegrad, ma yad ma ayuwegrad ma yad ma fl’eg lanin’rad ko ngiyal’ ni ke yib e magawon ngorad.​—2 Korinth 7:5-7.

Girdi’ ni ma liyor ku Jehovah e rayog ni nge pagan’rad ko ulung rok mi yad pirieg e ayuw riy. Fa en ni ke yoloy e thin ko Psalm e ke yoloy ni ke pirieg e falfalan’ nge pagan’ u lan e ulung rok Got. (Psalm 27:4, 5; 55:14; 122:1) Ku arrogon e ngiyal’ ney ma fare ulung ko Kristiano aram ba ulung e girdi’ ni taareb e michan’ rorad ni yad ma ubingrad mi yad pi’ e athamgil nga lanin’rad.​—Proverbs 13:20; Roma 1:11, 12.

Ka nog ko girdien e ulung ni “ngar ngongliyed e ngongol nib fel’ ngak urngin e girdi’, machane nge ga’ fadad ngak e piin ni kar manged girdien e tabinaw rok Got u fithik’ e mich u wun’uy ngak Kristus.” (Galatia 6:10) Bochan ni kan skulnagrad ko thin ko Bible ma kan k’aringrad ni ngar t’ufeged e pi walagrad mar runguyed yad. (Roma 12:10; 1 Peter 3:8) Pi walag ni pumoon nge ppin u lan e ulung e yad ba gol, mab gapas lanin’rad ma yad ma runguy e girdi’. (Efesus 4:3) Gathi yugu yad ma par ni yad ma liyor ku Got, ya ku yad ma lemnag e yugu girdi’ u fithik’ e t’ufeg.​—James 1:27.

Ere u lan e ulung ma piin ni ke m’ingan’rad e rayog ni ngar pirieged e ayuw u fithik’ e girdi’ ni yad taab tabinaw. (Mark 10:29, 30) Ma ra pi’ e athamgil nga lanin’rad ya yad bang ko ba ulung e girdi’ nib fel’ thilrad ma yad ma t’ufegrad. (Psalm 133:1-3) U lan e ulung ma “fare tapigpig nib yul’yul’ mab gonop” e ma pi’ e “ggan nib spiritual ko ngiyal’ ni yima pi’ riy.”​—Matthew 24:45.

Ayuw ni Ma Pi’ e Piin Piilal u Fithik’ e T’ufeg

Rayog ni nge pirieg e girdi’ ko ulung ko Kristiano ni bay e pi tachugol saf ni yad ma t’ufegey, ma yad ma runguy e girdi’ ma yad ma ayuwegrad ma yad ma pi’ e athamgil nga lanin’rad. Pi tachugol saf ni aram rogon e yad bod “ba manaf ni ngan naf ngay ko nifeng nge yoko’.” (Isaiah 32:1, 2) Pi piilal ni kan ni thothup e ke dugliyrad e yad ma ayuweg e girdi’ rok Got ni yad bod e saf, mi yad pi’ e athamgil nga laniyan’ e piin nib m’ar, nge piin ni ke m’ingan’rad, ma yad ma guy rogon ni ngar ayuweged e piin ni kar olobochgad.​—Psalm 100:3; 1 Peter 5:2, 3.

Machane pi piilal ko ulung e gathi yad ba ulung e girdi’ ni togta ko piin ni ke magawon lanin’rad, ma dabiyog ni ngar golnaged e girdi’ nib m’ar dowrad ara lanin’rad. U lan e re m’ag ney ma piin nib m’ar e kab “t’uf rorad e togta.” (Luke 5:31) Machane fapi tachugol saf e rayog ni ngar ayuweged e girdi’ nib t’uf rorad e ayuw ko tirok Got ban’en. (James 5:14, 15) Ma faanra rayog ma ma yarmiy e piin piilal ni ngan ayuweg e girdi’ ko yugu boch ban’en.​—James 2:15, 16.

Mini’ e ke fl’eg e re yaram ney? Jehovah Got! Be yog Ezekiel ni profet ni ke gaar Jehovah: “Bay gu gayiy e saf rog nggu ayuwegrad. . . . Yungi n’en nra wergad ngay ko fa rofen ni yib e gafgow nrib gel e bay gu wan gu fulwegrad riy . . . I gag e bay ug gafaliy e saf rog, bay gu gagiyegnagrad ngar pired nga but’ u fithik’ e gapas.” Ku ma runguy Got e pi saf ni yad mmeewar.​—Ezekiel 34:11, 12, 15, 16.

Bin Riyul’ e Ayuw ko Ngiyal’ nib Puluw

Rriyul’ ni bay e bin riyul’ e ayuw u lan e ulung ko Kristiano fa? Arrogon, ma tin migid e thin e ma tamilangnag ko uw rogon ni ma pi’ e ulung e ayuw.

◆ Nap’an ni kem’ be’ nib t’uf rom. Ke yim’ figirngin Anna ni bochan e m’ar. Ke gaar: “Ka nap’an e ngiyal’ nem ma ba gel e t’ufeg ni dag ngog e pi walag ni Kristiano. De m’ingan’ug ya pi walageg e kar pied e athamgil nga lanin’ug mar gumuchmuchnaged gag, ma gu ma pining e magar ku Jehovah ni bochan. Bochan ni kar t’ufeged gag ma kan fl’eg lanin’ug.” Ku aram rogom ma sana kem’ be’ nib t’uf rom. Faanra er rogon, ma girdi’ ko ulung e rayog ni ngar pied e athamgil nga lanin’um mi yad ayuwegnem.

◆ M’ar. Arthur, e reb e piilal ni ma lekag e ulung me ir e girdi’ nu Poland, ma gubin ngiyal’ ma ma guy e pi ulung u Central Asia ni nge gelnagrad ko tirok Got ban’en. Bay ba ngiyal’ ni ke m’ar me ubchiya. Ma kari pining Arthur e magar ko pi walag ni gaar: “Gu ba adag ni nggog ngomed ko uw rogon ni ayuwegneg e pi walag ni pumoon nge ppin [u reb e binaw u Kazakhstan]. Pi walag nge pumoon nge ppin nge girdi’ ni ba adag e machib ni boor i yad e da gu nangrad e goo kar pied e salpiy nge ggan, nge falay ni nggu fanay. . . . Ma kar rin’ed u fithik’ e falfalan’.

“Mu lemnag ko uw fene falfalan’ug u nap’an ni kan pi’ e salpiy ngog nge re ke babyor ney ni be gaar: ‘Dear Brother, Gu be pining e magar ngom. Nina rog e ke pi’ e salpiy ngog ni nggu chuw’iy e ice cream, machane kug turguy ni nggu pi’ ngom ngam fanay ko falay. Wenig ngom, mu gol nib pay. Ba t’uf Jehovah ni ngad ul’ul’gad nib n’uw boch nap’an. Ka fel’. Ma kum weliy ngomad boch e fanathin ni ma pi’ e tamilangan’ ngomad. Vova.’” Arrogon, piin fel’ yangaren nge girdi’ nib ilal u lan e ulung e rayog ni ngar pied e ayuw ko ngiyal’ nib m’ar be’.​—Filippi 2:25-29.

◆ M’ingan’uy. Ri ba adag Teri ni nge un ko pioneer ni aram be’ ni ma un ko machib nib full-time. Machane thingari tal ko pioneer ni bochan e magawon. Be gaar: “Kari kireban’ug ya kug un ko re maruwel ney ma dawori gaman reb e duw mu gu tal.” Ma de puluw e lem rok Teri ya ke lemnag ni ra felan’ Jehovah ngak u rogon fene yoor e tayim ni ra tay ko pigpig ngak. (Mu taarebnag ko Mark 12:41-44.) Ere ke m’ingan’ ma ke par ni goo ir. Machane ke pi’ e ulung e ayuw ngak.

Be gaar Teri: “Ma aram me yib reb e walag ni ppin ni ir e pioneer me motoyil ngog ma kug weliy e lem rog ngak. Nap’an ni kug chuw ko tabinaw rok, ma kug thamiy ban’en ni bod ni kan chuweg ban’en nib tomal rog. Ka aram ma re ppin nem nge pumoon rok ni ir reb e piilal u lan e ulung e kar piew e ayuw ngog. Gubin e rran ma yow ra telefon ngog mi yow fith salpeg. . . . Ma kar piningew gag ni nggu un ngorow ko fol Bible rorow, ma aram e ke tamilang u wun’ug ni ri baga’ fan ni nge par girdien e tabinaw u taabang nib fel’ thilrad.”

Dabni gin ngay ni boor e girdi’​—ni mus ko pi Kristiano​—e rayog ni nge m’ingan’rad, ara mulan’rad, mi yad par ni goo yad. Ri gad ma pining e magar riy ya ulung rok Got e ma pi’ e ayuw u fithik’ e t’ufeg!​—1 Thessalonika 5:14.

Sana kan ayuwegnem ni aram rogon, ma aram e ke taareban’um ko n’en ni yog reb e ppin ni Kristiano u tomren ni ke gel ko magawon ko m’ar ko pumoon rok me yoloy ni gaar: “Bochan e t’ufeg nge ayuw ni kan pi’ ngomow, ma u wun’ug e gowa ke fekmow Jehovah kug parew u pa’ u n’umngin nap’an e re magawon ney. Ri gu ma pining e magar riy ni gub bang ko ulung rok Jehovah ni aram e ulung nrib manigil!”

[Boch e Thin nra Tamilangnag Murung’agen]

a Kan thiliyeg fithingan e girdi’.

[Sasing ko page 26]

Rayog ni ngad pied e gel nga laniyan’ e piin nib m’ar nge piin ni ke kireban’rad, nge yugu boch e girdi’

    Yapese Publications (1984-2025)
    Mu Log Out
    Mu Log In
    • Waab
    • Mu Sharenag
    • Pi N'en Nrayog ni Ngam Mel'eg
    • Copyright © 2025 Watch Tower Bible and Tract Society of Pennsylvania
    • Rogon ni Ngan Fanay
    • Privacy Policy
    • Privacy Settings
    • JW.ORG
    • Mu Log In
    Mu Sharenag