LIBRARY U ONLINE ni fan ko Wulyang ko Damit
Wulyang ko Damit
LIBRARY U ONLINE
Waab
  • BIBLE
  • PI BABYOR
  • PI MUULUNG
  • w09 8/1 pp. 6-8
  • 3. Mu Ning e Ayuw

Dariy e video ko n'en ni kam mel'eg.

Wenig ngom, dabiyog ni nge load e re video ney.

  • 3. Mu Ning e Ayuw
  • Fare Wulyang Ntagil’ E Damit Ni Be Weliy Morngaagen Gil’ilungun Jehovah—2009
  • Pi Subheading
  • Boch Ban'en ni Ku Taareb Rogon Ngay
  • Mini’ e Nge Pi’ e Ayuw?
  • “Kan Fulweg Gubin e Deer Rog”
  • Rayog ni Ngan Nang Fan e Thin nu Bible?
    Fare Wulyang Ntagil’ E Damit Ni Be Weliy Morngaagen Gil’ilungun Jehovah—2009
  • Ayuw Ni Ngan Nang Fan e Bible
    Fare Wulyang Ntagil’ E Damit Ni Be Weliy Morngaagen Gil’ilungun Jehovah—2001
  • Pi Deer Ni Bay E Fulweg Riy U Bible
    Fare Wulyang ko Damit Ni Be Weliy Morngaagen Gil’ilungun Jehovah—2013
  • I Weliy “Fare Thin nib Fel’ ni Murung’agen Jesus”
    Ngan “Machibnag” Murung’agen Gil’ilungun Got nib Fel’ Rogon
Kum Guy Boch Ban'en
Fare Wulyang Ntagil’ E Damit Ni Be Weliy Morngaagen Gil’ilungun Jehovah—2009
w09 8/1 pp. 6-8

Rogon ni Ngam Nang Fan e Thin nu Bible

3. Mu Ning e Ayuw

Nap’an ni th’ab Edward John Eyre daken e ta gapas nu Nullarbor nga barba’, me yog boch e girdi’ nu rom ngak rogon ni nge fek e ran ko yu ke gek’iy ni eucalyptus ngu fithik’ e yan’ me fol riy, ma ireram e n’en ni ayuweg nde yim’.

ROGON ni kad guyed ko n’en ni ke buch ko cha’ ney e faanra nge rin’ be’ ban’en nib mo’maw’, ma ba t’uf ni nge ning e ayuw rok be’ ni manang fan. Ku taareb rogon ko baaray ni ngam tabab i beeg e Bible.

De lemnag Jesus ni ngay gi nang pi gachalpen fan e thin nu Bible ndabi ayuwegrad be’. Immoy bayay ni ‘tamilangnag an’rad ngar nanged fan e pi n’en ni bay u lan e babyor nib thothup.’ (Luke 24:45) Manang Jesus nib t’uf ni ngan ayuweg e piin ni ma beeg e Bible ni ngar nanged fan e thin riy.

Mini’ e Nge Pi’ e Ayuw?

I tay Jesus chilen ngak e tin nriyul’ i gachalpen ni ngar pied e re ayuw ney. U m’on ni nge yan nga tharmiy me tay chilen ngorad ni gaar: “Ere mmarod ngak girdien e pi nam u gubin yang ngam pingeged yad ngar manged pi gachalpeg . . . mi gimed fil ngorad rogon ni nguur folgad u gubin e tin ni ku gog ngomed ni nguum rin’ed.” (Matthew 28:19, 20) N’en nth’abi ga’ fan ni ma rin’ e tin nriyul’ e Kristiano e aram e machib, nib muun ngay rogon i weliy fan kenggin e motochiyel nu Bible nge rogon ni ngaun fol riy. Ku yad ma ayuweg e girdi’ ngar nanged fan e thin nu Bible.

De n’uw nap’an nga tomren ni tay Jesus chilen e re thin nem ngak pi gachalpen ma bay ban’en ni buch. Be weliy e Bible murung’agen be’ nib moon nu Ethiopia nib tolang ni be beeg bang ko yiiy rok Isaiah ma bay bang riy nder nang fan ni gaar: “I ir e bod rogon ba saf nni fek i yan ni ngan li’ ngem’, i ir e bod rogon ba fak e saf nde non ko ngiyal’ nth’ab bunuen. De yog taab bugithin. Ni tamra’nag ma da ni pi’ mat’awun ngak. Dariy be’ nrayog ni nge weliy murung’agen e piin ni owchen, ya n’umngin nap’an ni nge par u fayleng e ke taw nga nap’an ni nge mus.”​—Acts 8:32, 33; Isaiah 53:7, 8.

I fith fare moon ngak Filip nreb e Kristiano ni boor e thin nu Bible ni manang ni gaar: “Mog ngog ko mini’ e cha’ ney ni be weliy e profet murung’agen. Ir e be weliy murung’agen ara yugu be’ e be weliy murung’agen?” (Acts 8:34) Re moon nem e ka fini sul u Jerusalem ko meybil ma dabisiy ni ki i meybil ni ngan pow’iy. Ere rib mudugil ni be beeg e gin’em u Bible nri baadag ni nge nang fan. Machane yugu aram rogon, ma der nang fan. Ere ke ning e ayuw ngak Filip u fithik’ e sobut’an’. Kari felfelan’ fare moon ya rib tamilang rogon ni ke weliy Filip ngak, ma aram me adag ni nge mang reb e Kristiano.​—Acts 8:35-39.

Pi Mich Rok Jehovah e ka yad be ulul ko fare maruwel ni i rin’ Filip nge tin som’on e Kristiano. Ke pag 235 e nam ni be ayuweg e Pi Mich e girdi’ riy ni ngar nanged fan e n’en nri be fil e Bible. Yad ma rin’ e re n’ey u daken e fol Bible ni yad ma tay ko girdi’ ni aram e yima fil e n’en ni be yog e Bible u murung’agen reb e ban’en nge reb.a​—Mu guy fare kenggin e thin ni, “Fulweg u Boch e Deer ko Bible.”

“Kan Fulweg Gubin e Deer Rog”

Steven, Valvanera, nge Jo-Anne, ni faan kan tay e thin rorad nga tabolngin e re ke babyor ney, e ra tababgad e Pi Mich Rok Jehovah i fil e Bible. I gaar Steven: “Kug gin ngay ya kug guy ni yira taarebnag reb e thin nu Bible nga reb ma rayog ni ngan pirieg e fulweg nib fel’. U m’on ni gu un ko fol Bible ma dariy be’ ni yog rogon ngog ni nggu rin’. Kug felfelan’ ni kug nang ni thin nu Bible e rayog ni ngan nang fan.”

Ku er rogon e lem rok Valvanera, ya gaar: “Gubin ban’en ni ke fil e Pi Mich ngog u Bible e ba tamilang mab puluw. Ere kug nang ni gathi nge mich ban’en u wan’ug ni bochan e aram rogon ni ka nog u galesiya.” Me Jo-Anne e gaar: “Bochan ni kan fulweg gubin e deer rog u lan e Bible, ma kug adag ni nggu tayfan e En ni Thin Rok e ram, ya manang ni boor e deer ni ma fith e girdi’ ma arfan ni ke tay e fulweg riy nga Bible.”

Ga manang bagayad e Pi Mich Rok Jehovah? Faanra ga manang bagayad, ma rayog ni nga mog ngak ngam filew e Bible. Ma faanra dam nang mag yol nga reb fapi address ni bay ko page 2 ko re ke babyor ney. Faan ga ra ning gelngin Got nib thothup, mag beeg e Bible ni ga be lemnag ni ngam nang fan e thin riy, mag ning e ayuw ngak be’ ni manang fan e Bible, ma ga ra pirieg ni thin nu Bible e de mo’maw’ ma rayog ni ngan nang fan!

[Footnote]

a Ba ken e babyor ni ke ayuweg boor e girdi’ ni ngar nanged e machib nu Bible e fare ke babyor ni What Does the Bible Really Teach? ni ke ngongliy e Pi Mich Rok Jehovah.

[Box/​Picture on page 8]

Fulweg u Boch e Deer ko Bible

Boch ban’en ni ma tamilangnag e Pi Mich Rok Jehovah ngak e girdi’ u nap’an e fol Bible:

• Mang e baadag Got ni fan ko fayleng?

• Bay u uw e piin ni kar m’ad?

• Gad be par ko “tin tomren e rran,” fa?

• Mang fan ni ke pag Got e gafgow?

• Uw rogon me yog e felfelan’ nga lan e tabinaw rog?

[Pictures on page 7]

Ra ngam nang fan e thin nu Bible . . . ma ngam ning gelngin Got nib thothup, mag beeg ni ga be lemnag ni ngam nang fan, mag ning e ayuw

    Yapese Publications (1984-2025)
    Mu Log Out
    Mu Log In
    • Waab
    • Mu Sharenag
    • Pi N'en Nrayog ni Ngam Mel'eg
    • Copyright © 2025 Watch Tower Bible and Tract Society of Pennsylvania
    • Rogon ni Ngan Fanay
    • Privacy Policy
    • Privacy Settings
    • JW.ORG
    • Mu Log In
    Mu Sharenag