“Mang e Fulweg Rom?”
1. Mang boch e magawon ni bay rodad?
1 Yugu aram rogon ni ba t’uf e Thin Rok Got rom machane mo’maw’ ni nge mit boch e Thin nu Bible ngom ara ba ga’ ndabi mit e chep nu Bible ngom fa? Ga ba adag ni nge mit e tin ruyul’ nu Bible nge machib riy nga laniyan’ e pi bitir rom fa? Fa pi thin ni “How Would You Answer?” ni yima fl’eg ko ra reb e Awake! ko page 31 e rayog ni nge ayuweg e piin ni fel’ yangaren nge pi ilal ni nge tamilang i yan e Thin nu Bible u wan’rad.—Acts 17:11.
2. Uw rogon nrayog ni ngam fanay e “How Would You Answer?”
2 Uw rogon ni ngam fanay e re n’ey ni nge fel’ rogom riy? Be weliy e thin ko Awake! ko January 2006 e pi thin ney: “Mu sap ko page 31 . . . Boch ban’en riy e ra pug e tafinay rok e piin ni fel’ yangaren; ma yugu boch ban’en e ra skengnag laniyan’ e piin ni kar filed e Bible. Fa ba yang ni ‘When in History?’ e ra ayuwegem ngam guy e ngiyal’ ni i par e girdi’ nu Bible ni yad ba fos ma wuin e ke buch boch ban’en nib ga’ fan. Yugu aram rogon ni rayog ni ngam pirieg e fulweg ko pi n’en ni bay ko ‘From This Issue’ u lan e magazine, machane kan tay e fulweg ko pi deer ko reb e page, min yoloy ni be sap nga but’. Mang ni dab mu fl’eg i gay boch e fulweg u m’on ni ngam guy e pi fulweg nem ma ga weliy ngak yugu girdi’ e pi n’en ni kam fil? Maku rayog ni ngam fanay e ‘How Would You Answer?’ ko fol Bible ko tabinaw rom ara ba ulung e girdi’.
3. Uw rogon ni ke fel’ rogon boor e tabinaw ko re n’en ney, ma bin ngan e ga ba adag?
3 Dabi siy ni ke felfelan’ boor e tabinaw ya kar filed ko fol babyor ko tabinaw rorad. Ke yoloy reb e matin ni gaar: “Gamow e pumoon rog e kug lemnagew ni ba fel’ ni nggu unegew e ‘Children’s Picture Search’ ko fol babyor ko tabinaw romow ni fan e nge pug e tafinay rok e bitir ni dalip e duw rok. Kari felfelan’mow ni ngguyew ni ke fek e Awake! me pithig e babyor ke mada’ ko ngiyal’ ni nge pirieg e n’en ni be gay.” Yog reb e matam nu Brazil ni gaar: “Gamow fakag ni medelip e duw rok e ri gamow baadag e re n’en ney ni bay u lan e Awake! Kan ayuweg Moses ni nge tiyan’ ngay, me bieg urngin e Thin nu Bible, me tay fan e pi sasing riy, me tamilang u wan’ e ngiyal’ ni ke buch.” Ke yoloy Ashley ni medlip e duw rok ni gaar: “Kam magar ko ‘How Would You Answer’ ni bay u tungun e Awake! Ya ke tamilang boor ban’en nu Bible u wan’ug.”
4. Uw rogon nra fanay e gallabthir e re n’en ney ko fol Bible ko tabinaw rorow?
4 Mang ni dab mu fil ba yang ni “How Would You Answer?” ko fol babyor ko tabinaw rom u ba ngiyal’? Rayog ni ngam guy e Index ara Watchtower Library CD-ROM ni ngam gay e fulweg ko pi deer nib mo’maw’ boch. Ra ngam yodor, ma kam fil ngak e bitir rom rogon ni nge fl’eg i gay boch ban’en. Faanra bay e bitir rom ni kab ilal boch, mang ni dab mu pi’ e maruwel ngak ni nge fl’eg i gay e fulweg ko “Who Am I?” ara “When in History?” u m’on ko fol babyor ko tabinaw rom? Ya aram rogon nrayog ni ngar weliyed wom’engin e maruwel ni kar fl’eged i gay u nap’an e fol babyor. Faanra fanay e gallabthir e re page nem nrogon ma rayog ni ngar filew e Thin Rok Got u wan’ e pi bitir rorow, ma yow ra ayuwegrad ni ngar nanged e “thin nib thothup” ko ngiyal’ ni ka yad ba bitir.—2 Tim. 3:15; Deut. 6:7.