Mu Nameg ni Ngam Conductnag e Bible Study
1 “Ngam fal’eged i yaliy e yungi woldug: ya woldug ni ba’ riy e ke el ni ke taw nga nap’an ni ngan t’ar.” (John 4:35) Pi thin nem ni yog Jesus Kristus e ba puluw ko pi Kristiano ko ngiyal’ ney.
2 Ka yibe pirieg e piin nib yul’yul’ ni yad ba adag ni ngar nanged e kanawo’ rok Jehovah. Ba tamilang e re n’ey ya gubin e duw ma be un boch e girdi’ nib beech ko taufe. Faanra ga ba adag ni ngam conductnag e Bible study ma mang e ngam rin’?
3 Ngam Nameg Ban’en: Som’on ma ngam nameg ni ngam tababnag mag conductnag e Bible study. Ngam lemnag e re n’ey u nap’an ni ga be un ko machib. N’en ni kan tay chilen ko pi Kristiano e ba muun ngay ni ngan skulnag e girdi’ ma ngan machibnagrad ere gad gubin ma susun ni nge gel e athamgil ni gad ma tay ni ngad filed e Bible ko girdi’.—Matt. 24:14; 28:19, 20.
4 Boch Ban’en ni Ngan Lemnag: Pi publisher ko Gil’ilungun Got e thingar ra meybilgad. Yu ngiyal’ ma gad ma pirieg e girdi’ ni kar meybilgad ni ngan ayuwegrad ko tirok Got ban’en. Ri gad ba flaab ni nge fanaydad Jehovah ni ngad skulnaged e girdi’ ni aram rogon!—Hag. 2:7; Acts 10:1, 2.
5 Bay reb e walag ni ppin ni ke meybil ni nge yog e Bible study ngak ma aram me tay e pi tract ni Ga baadag ni nga kum nang boch murung’agen e Bible? u tabon e maruwel rok. Ke fek reb e ppin bang fare tract me beeg ma ke tabab i yoloy e thin ko fare coupon ma aram me non fare walag ngak me tababnag e Bible study.
6 Bay boch e publisher nib salap i tababnag nge conductnag e Bible study ma rayog ni ngar ayuweged gur ngam conductnag e Bible study. Ngam meybil mag athamgil nge yog e Bible study ngom ma ngam fol ko n’en ni ka nog ngom. Sana dabki n’uw nap’an ma ga ra nang e falfalan’ ni ngan conductnag e Bible study.