Deer

◼ Mang l’agruw e babyor e susun ni ngan fil ngak e piin ni be fil e Bible ngorad?

Fare babyor ni Bible Teach e ir bin ni ba ga’ fan e babyor ni ngan tababnag i fil e Bible ngak e girdi’. Dariy e kireb riy ni ngan fanay yugu reb e babyor ni bod e tract ni ngan tababnag e fol Bible, machane susun ni ngan thilyeg ko Bible Teach ko ngiyal’ nrayog riy. Rib fel’ angin ni ke yib nbochan e kan fanay e babyor ni Bible Teach ni ngan tababnag e fol Bible.

Faanra mu’ i fil faen ni be fil e Bible babyor ni Bible Teach ma be mon’og i yan, ma susun ni ngan fil e babyor ni Worship God ngak ni bin migid. (Kol. 2:7) Be weliy ko page 2 fan ni kan ngongliy e babyor ni gaar: “Be pining e Bible ngak gubin e girdi’ nib t’uf Got rorad ‘nge yib gelngin e tafinay rorad nge yog ni ngar nanged fan . . . feni n’uw nge feni tolang nge feni toar’ e thin riyul’ rok. (Efesus 3:18) Ere arfan ni kan ngongliy e re ke babyor ney. Gamad be athapeg ni nge ayuwegmed fare babyor ni ngam mon’oggad i yan ko tirok Got ban’en me ayuwegmed ngam marod ko bin nib wen’in e garog ni yan ko yafos u lan e bin nib beech e fayleng rok Got.”

Faanra bay rogon faen ni be fil e Bible ni nge un ko taufe u m’on ni nge mu’ i fil fagali babyor, ma susun ni nge ul’ul ko fol Bible ke mada’ ko ngiya’ ni ke m’ay i fil e bin l’agruw e babyor. Yugu aram rogon ni kan taufenag be’, faen ni be fil e Bible ngak e rayog ni nge theeg e tayim nge sul ngak e girdi’ nge fol Bible ko report rok. Maku fare publisher nra un ngak e rayog ni nge theeg e tayim rok me tay ko report rok.