Fare Ke Babyor ni Mang e Ri Be Fil e Bible—Aram e Re Ke Babyor ni Ngad Filed e Bible Riy Ngak e Girdi’
1. Uw rogon ni gad ra fanay fare ke babyor ni Mang e Ri Be Fil e Bible?
1 Ri gad ba felfelan’ ni bochan e kan ngongliy fare ke babyor ni Mang e Ri Be Fil e Bible? ni thin nu Waab! Uw rogon ni gad ra fanay e biney e talin e maruwel nib beech? Kan ngongliy e re ke babyor ney ni ngaud fanayed u nap’an ni gad be fil e Bible ngak be’. Yibe pi’ e athamgil nga laniyan’ gubin e publisher ni ngar tababgad i fanay e re ke babyor ney u nap’an ni yad be fil e Bible ngak be’ fa u nap’an ni ngar tababnaged e fol Bible ngak be’.
2. Uw rogon ni ngam gonopiy e ngiyal’ ni ngam tabab i fil fare ke babyor ni Mang e Ri Be Fil e Bible? ngak e en ni gimew be fol Bible?
2 Piin ni Yad Be Fil e Bible e Chiney: Piin ni yad be fil e Bible ngak be’ ko fare ke babyor ni Rayog Ni Ngam Par Ni Gab Fas U Paradis U Fayleng ara Mang e Ba T’uf ni Ngad Rin’ed ku Got e thingara gonopiyed e ngiyal’ nge rogon ni ngar tababgad i fil e re ke babyor ney ni ka fin ni ngongliy. Faanra ka fin mu tababgow be’ i fil e Bible, ma rayog ni ngam tabab u tabolngin e re ke babyor ney. Machane, faanra ke n’uw yang e gin ni kam filew ko fare babyor ni Rayog Ni Ngam Par Ni Gab Fas U Paradis U Fayleng, ma rayog ni ngam filew e re babyor ney, machane mi gimew tabab ko re kenggin ni kam musgow riy ko fa ken ni um filew e babyor. Ma faanra ke chugur ni nge m’ay fa ken ni um filew e babyor, ma rayog ni ngam filew nge m’ay.
3. Mini’ e ra yib angin e re ke babyor ney ngak?
3 Ba mutrug ni boor e girdi’ ni gad manang nra yib angin fare babyor ngak ni Mang e Ri Be Fil e Bible? Ere mang ndab mu fanay e re ke babyor ney ngam ognag e fol Bible ngorad? Bod ni piin ni ur filed fare babyor ni Mang e Ba T’uf ara fare babyor ni Rayog Ni Ngam Par Ni Gab Fas U Paradis U Fayleng kafram, machane dar uned ko taufe e sana yad ra adag ni ngkur filed e Bible bayay ni yad be fanay e re ke babyor ney nib beech. Ku rayog ni nge fanay e piin gallabthir e re ke babyor ney ni ngar filed e Bible ko bitir rorad.—Kol. 1:9, 10.
4. Mang e ba pagan’dad ngay?
4 Ba pagan’dad nra yib angin e re ke babyor ney ko fare maruwel ni gad be rin’ ni aram e gad be yognag boch i gachalpen Jesus.—Matt. 28:19, 20.